اسلام آباد (این این آئی)وزیراعظم عمران خان نے وزیر مملکت مراد سعید کو وفاقی وزیر مقرر کرنے کی منظوری دے دی۔میڈیا رپورٹ کے مطابق قائم مقام صدر صادق سنجرانی نے مراد سعید کی بطور وفاقی وزیر تعیناتی کی سمری پر دستخط کردیئے ہیں، قائم مقام صدر صادق سنجرانی کو مراد سعید کو وفاقی وزیر بنانے کی سمری وزیراعظم کو ارسال کی تھی۔مراد سعید اس وقت وزیر مملکت برائے مواصلات اور پوسٹل سروسز

کے طورپر فرائض سرانجام دے رہے تھے۔دریں اثناء وزیراعظم عمران خان نے دو وفاقی وزراء کو وزارت شماریات اور وزارت ہوابازی کا اضافی قلمدان سونپ دیا ۔کابینہ ڈویژن سے جاری نوٹیفکیشن کے مطابق وزیراعظم عمران خان کی جانب سے وفاقی وزیر منصوبہ بندی ،ترقی و اصلاحات مخدوم خسرو بختیار کو وزارت شماریات اور وفاقی وزیر نجکاری ڈویژن میاں محمد سومرو کو وزارت ہوا بازی کا اضافی قلمدان سونپا گیا ہے ۔