اسلام آباد(آن لائن) وفاقی وزیر اطلاعات فواد چوہدری نے پیپلز پارٹی کے رہنماء خورشید شاہ کے بیان پر ردعمل کا اظہار کرتے ہوئے کہا ہے کہ کرپشن کیسز میں نرمی کے علاوہ تمام امور پر اپوزیشن کے ساتھ تعاون کیلئے تیار ہیں، اپوزیشن کے ساتھ مثبت تعاون کے حق میں ہیں کیونکہ یہ بہت اہمیت کا حامل ہے،۔اپنے ایک بیان میں وفاقی وزیر اطلاعات فواد چوہدری نے کہا ہے کہ اپوزیشن سے تعاون کی بہت اہمیت ہے اس لئے مثبت تعاون کے حق میں ہیںِ، پیپلزپارٹی کے مرکزی رہنما خورشید شاہ کے بیان پر ردعمل کا اظہار

کرتے ہوئے فواد چوہدری نے کہا کہ کرپشن کیسز میں نرمی کے علاوہ تمام امور پر اپوزیشن کے ساتھ تعاون کیلئے تیار ہیں، انہوں نے کہا کہ ہم نے پہلے دن ہی الیکشن امور پر کمیٹی بنائی جبکہ نیب قوانین کے حوالے سے بھی اپوزیشن سے مشاورت کی، واضح رہے کہ پیپلزپارٹی کے مرکزی رہنما خورشید شاہ نے وزیراعظم عمران خان کے صدارتی آڈیننس کے ذریعے قانون سازی کے بیان پر حکومت کو تعاون پیش کرتے ہوئے کہا تھا کہ حکومت پارلیمنٹ کے ذریعے قانون سازی کرے اپوزیشن ہر ممکن تعاون کیلئے تیار ہے۔

موضوعات:فواد چوہدری