اسلام آباد(مانیٹرنگ ڈیسک)بھارت میں نویجت سدھو کا سر قلم کرنے والے کیلئے ایک کروڑ انعام کا اعلان، بھارتی انتہا پسند ہندو تنظیم یووا نے سر کی قیمت رکھ دی۔ تفصیلات کے مطابق نویجت سدھو کا سر قلم کرنے والے کیلئے ایک کروڑ بھارتی روپے انعام کا اعلان کر دیا گیا اور یہ اعلان ہندو انتہا پسند تنظیم یووا کی جانب سے سامنے آیا ہے۔ واضح رہے کہ ہندو انتہا پسند تنظیم یووا کے بانی

مسلمانوں اور پاکستان کے سخت ترین دشمن یو پی کے وزیراعلیٰ آدیتیہ ناتھ ہیں ۔ سدھو کے پاکستان آنےپر ہندو انتہا پسند سدھو کے جانی دشمن بن چکے ہیں۔ یووا کے  صدر ترون سنگھ کا سدھو کے حوالے سے کہنا ہے کہ ” اگر سدھو آگرہ آئے تو میں ان کے ٹکڑے ٹکڑے کردوں گا۔ترون سنگھ نے سدھو کو غدار قرار دیتے ہوئے کہا کہ سدھو کو پاکستان جانا چاہیے ، ہم اسے ہندو ستا ن میں نہیں رہنے دیں گے۔

موضوعات:آدیتیہ ناتھ ترون سنگھ نویجت سدھو ہندو انتہا پسند تنظیم یووا