اسلام آباد (نیوز ڈیسک) سپریم کورٹ نے نواز شریف کے خلاف ریفرنسز کے ٹرائل کی مدت میں توسیع کی درخواست پر احتساب عدالت کو 24 دسمبر تک مزید وقت دے دیا‘ چیف جسٹس ثاقب نثار نے کہا کہ وہاں کوئی الف لیلیٰ کی کہانی چل رہی ہے؟ خواجہ صاحب اس کے بعد آپ کو کیس کا بائیکاٹ نہیں کرنے دوں گا۔ جمعہ کو سپریم کورٹ میں نواز شریف کے خلاف ریفرنسز کے ٹرائل کی مدت میں توسیع کی درخواست پر سماعت ہوئی۔ عدالت کو

24 دسمبر تک مزید وقت دے دیا۔ خواجہ حارث نے بتایا کہ احتساب عدالت میں بحث چل رہی ہے۔ چیف جسٹس نے سوال کیا کہ کیا وہاں کوئی الف لیلیٰ کی کہانی چل رہی ہے؟ بحث کرنے کا بھی وقت ہوتا ہے۔ خواجہ حارث نے بتایا کہ احتساب عدالت میں بحث بند کردیتے ہیں۔ چیف جسٹس نے کہا آپ ہر بار ٹائم مانگنے آجاتے ہیں کیا آپ کو احتساب عدالت سے کوئی شکایت آئی ہے۔ خواجہ صاحب اس کے بعد آپ کو کیس کا بائیکاٹ نہیں کرنے دونگا۔

موضوعات:الف لیلیٰ کی کہانی چیف جسٹس نواز شریف ٹرائل مدت