لاہور(اے این این)مسلم لیگ (ن) کے صدر اور اپوزیشن لیڈر شہبازشریف کو کوٹ لکھپت جیل میں بیرک نمبر دو میں رکھا گیا ہے جبکہ جیل میں سیکیورٹی بھی سخت کر دی گئی ہے۔تفصیلات کے مطابق شہبازشریف کی سیکیورٹی پر پانچ پولیس اہلکاروں کو تعینات کر دیا گیا ہے ، سابق وزیراعلیٰ پنجاب کو جس بیرک میں رکھا گیاہے اس کا نمبر 2 ہے جبکہ اسی بیرک میں ماضی میں سابق

وزیر اعظم شہید ذوالفقار علی بھٹو ، پیپلز پارٹی شریک چیئرمین اور سابق صدر آصف علی زرداری اور سینئر سیاستدان مخدوم جاوید ہاشمی بھی رہ چکے ہیں۔ دوسری جانب شہبازشریف کے بالکل ساتھ والی بیرک جس کا نمبر ایک ہے ، اس میں نوازشریف بھی رہ چکے ہیں۔شہبازشریف کی بیرک کے عین سامنے پھانسی گھاٹ کا احاطہ ہے جس کے اردگرد چار دیواری موجود ہے۔

موضوعات:شہبازشریف کوٹ لکھپت جیل