لاہور(نیوز ڈیسک) پنجاب کے وزیر ہاوسنگ محمود الرشید کے بیٹے کیخلاف مقدمہ درج کرانے والے تین پولیس اہلکاروں کے خلاف مقدمہ درج ‘ پولیس نے تینوں اہلکاروں کو گرفتار بھی کر لیا۔تفصیلات کے مطابق پولیس اہلکاروں ندیم اقبال، عثمان مشتاق اورعثمان سعید کیخلاف ڈی آئی جی انویسٹی گیشن کے حکم پر مقدمہ اے ایس پی گلبرگ کی تفتیش کے بعد درج کیا گیا۔درج کئے گئے مقدمے کے مطابق پولیس اہلکار ڈیوٹی کے دوران جوڑوں سے

رقم چھینتے اور ان کے فوٹیج بناتے ہیں، ملزمان ویڈیو بنا کر بلیک میل بھی کرتے ہیںمقدمے میں یہ بھی درج کیا گیا ہے کہ ملزم اہلکار ان جوڑوں سے رقم لیتے اور انہیں تشدد کا نشانہ بناتے ہیں، ملزمان نے علی مصطفی اور فضا جمیل پر بھی تشدد کیا اور 2 ہزار روپے چھین لیے۔ملزمان اہلکاروں کے خلاف مقدمے میں یہ بھی درج کیا گیا ہے کہ ملزمان نے واردات کے بعد جوڑے کو اے ٹی ایم سے 50 ہزار روپے نکالنے کیلئے بھی کہا۔

موضوعات:پولیس اہلکار علی مصطفیٰ محمود الرشید