اسلام آباد(مانیٹرنگ ڈیسک)ایس پی رورل پشاور طاہر داوڑ کے بھائی اور بھابھی کو دہشتگرد قتل کر چکے تھے، انہیں دھمکیاں دی جا رہی تھیں، اہل خانہ کیساتھ اسلام آباد منتقل ہو گئے تھے، وزیر مملکت برائے داخلہ شہریار آفریدی کا سینٹ اجلاس میں اظہار خیال۔ تفصیلات کے مطابق اسلام آباد سے اغوا ہونیوالے ایس پی رورل پشاور طاہر داوڑ کو افغانستان کے صوبے ننگرہار میں دہشتگردوں

نے قتل کردیا ہے ۔ایس پی طاہر داوڑ کی میت آج پاکستان لائے جانے کا امکان ہے، وزیر مملکت برائے داخلہ شہریار آفریدی کا کہنا تھا کہ ایس پی رورل پشاور طاہر داوڑ کو دہشتگردوں کی جانب سے دھمکیاں دی جا رہی تھیںاور اس سے قبل وہ دہشتگردوں سے مقابلے میں زخمی بھی ہو چکے تھے۔ دہشتگردوں نے ان کے بھائی اور بھابھی کو قتل کر دیا تھا جس کے بعد وہ اہل خانہ کیساتھ اسلام آباد منتقل ہو گئے تھے ۔

موضوعات:شہریار آفریدی طاہر داوڑ