راولپنڈی (آئی این پی) جے یو آئی (س) کے شہید کئے جانے والے سربراہ مولانا سمیع الحق کے قتل کا معمہ ابھی تک حل نہ ہوسکا‘ پولیس حقائق کا پتہ لگانے میں ناکام ہوگئی۔ اتوار کو تفصیلات کے مطابق جمعیت علماء اسلام (س) کے شہید سربراہ مولانا سمیع الحق کے قتل کا معمہ اب تک حل نہ ہوسکا۔ دوران تفتیش پولیس کو گھر واش

روم سے خون آلودہ قمیض ملی مگر اب تک پولیس اس حوالے سے حقائق کا پتہ لگانے میں ناکام رہی۔ ذرائع کے مطابق قمیض کس کی ہے پولیس اب تک پتہ نہ لگا سکی تاہم پولیس کو دیوار پھلانگ کر اندر جانے کے کئی شواہد بھی نہ مل سکے۔ واضح رہے کہ مولانا سمیع الحق کے سیکرٹری احمد شاہ بھی تاحال شامل تفتیش نہیں ہوسکے۔