لاہور(مانیٹرنگ ڈیسک) وزیر اعظم عمران خان کی اہلیہ بشری ٰ بی بی نے فاؤنٹین ہاؤس کا دورہ کیااور وہاں پر موجود بچوں اور خواتین سے مسائل دریافت کیے ۔ فاؤنٹین ہاؤس کے دورہ کے موقع پرفرح خاں بھی بشری ٰ بی بی کے ساتھ موجود تھیں ۔فرخ خان کے ساتھ خواتین اور بچوں نے سیلفیاں بھی بنوائیں ۔اس موقع پر بشری ٰ بی بی کا کہنا تھا کہ مستحق اور بے سہارا افراد سے مل کر دلی سکون ملتا ہے ۔

یہی مستحق افراد قوم کا اثاثہ ہیں ۔فرح خان نے نے بتایا کہ بشری ٰ بی بی جب بھی لاہور کا دورہ کرتی ہیں تو انکی صرف یہ ہی خواہش ہوتی ہے کہ بے سہارا عورتوں اور بچوں کے ساتھ وقت گزاریں، دورے کے دوران بشریٰ بی بی نے فاؤنٹین ہاؤس کی انتظامیہ کو ادارے کی بہتری کے لیے تعاون کا عزم بھی کیا۔یاد رہے کہ گزشتہ روز وزیر اعظم عمران خان نے لاہور میں شیلٹرز ہوم کا سنگ بنیاد رکھا تھا۔

موضوعات:بشریٰ بی بی