آسیہ کیس کے غیر شرعی فیصلے نے ملک کی چولیں ہلا دیں، دینی جماعتوں نے عمران خان کو کیا دھمکی دے ڈالی ؟

  جمعہ‬‮ 9 ‬‮نومبر‬‮ 2018  |  23:47

لاہور (آن لائن) جمعیت علماء پاکستان کے مرکزی سیکریٹری جنرل اور متحدہ مجلس عمل کے ترجمان صاحبزادہ شاہ محمد اویس نورانی نے کہا ہے کہ آسیہ کیس کے غیر شرعی فیصلے نے ملک کی چولیں ہلا دی ہیں۔ آسیہ مسیح کو بیرون ملک فرار کروایا گیا تو ایک دن میں حکومت ختم ہو جائے گی۔ حکومت عاشقان رسول سے ٹکرانے کی غلطی نہ کرے۔ پی ٹی آئی کی حکومت نے اہل سنت کو ٹارگٹ کر لیا ہے۔ قانون ہاتھ میںلینے والوں کو ضرور پکڑا جائے لیکن بے گناہ دینی کارکنان کی گرفتاریاں برداشت نہیں کریں گے۔ عمران خان کو دینی

جماعتوں سے دشمنی مہنگی پڑے گی۔ حکومت ہمیں انتہائی قدم اٹھانے پر مجبور نہ کرے۔ مولانا سمیع الحق کے قاتلوں کی عدم گرفتاری حکومت کی نااہلی ہے۔ ملک نازک صورت حال سے دوچار ہے۔ وزیراعظم کو چین سے کچھ نہیں ملا۔ ان خیالات کا اظہار انھوں نے جے یو پی کے عہدیداران و کارکنان سے گفتگو کرتے ہوئے کیا۔ صاحبزادہ شاہ اویس نورانی نے مزید کہا کہ وزیراعظم نے بیرونی دوروں میں کنٹینر والی گفتگو کر کے قوم کے سر شرم سے جھکا دیئے ہیں۔ قرضوں کے ذریعے زیادہ دیر ملک نہیں چلایا جا سکتا۔ پی ٹی آئی کو اقتدار میں لانے والے پچھتا رہے ہیں۔ حکومت عوام کو ریلیف نہیں تکلیف پہنچا رہی ہے۔ نااہل حکومت زیادہ دیر چلتی نظر نہیں آتی۔ وزراء کی بچگانہ حرکتیں جگ ہنسائی کا باعث بن رہی ہیں۔ وفاقی وزیر اطلاعات کے غیر سنجیدہ بیانات افسوسناک ہیں۔ پی ٹی آئی نے ملک میں بدزبانی کا کلچر پھیلایا ہے۔ تحریک تحفظ ناموس رسالت کو تیز تر کیا جائے گا۔ عید میلادالنبی کے ہر جلسے اور جلوس کو ناموس رسالت سے منسوب کیا جائے گا۔ عاشقان رسول تحفظ ناموس کے کئے کسی قربانی سے دریغ نہیں کریں گے۔

آج کی سب سے زیادہ پڑھی جانے والی خبریں