اسلام آباد(مانیٹرنگ ڈیسک) احتساب عدالت نے مسلم لیگ (ن )کے رہنما سابق وزیر دانیال عزیز کے لیگی رہنماؤں سے ہاتھ ملا نے پر برہمی کا اظہار کرتے ہوئے کمرہ عدالت سے باہر نکلوا دیا۔منگل کو سابق وزیر اعظم نواز شریف کے خلاف فلیگ شپ ریفرنس میں تفتیشی افسر کا بیان جاری تھا کہ دانیال عزیز کمرہ عدالت میں پہنچے اور لیگی رہنما ؤ ں سے ہاتھ ملانے لگے۔ اس پر فاضل جج نے

کہا یہ کیا طریقہ ہے، آئندہ ایسا نہ ہو۔معاون وکیل صفائی نے جواب دیا معذرت چاہتے ہیں، دانیال عزیز عدالتی آداب سے واقف نہیں۔ جج نے کہا یہ اتنے اعلی عہدوں پر رہے ہیں، آداب سے کیوں واقف نہیں، میں میاں صاحب کو کٹہرے میں کھڑا کر دوں پھر یہ ملائیں گے ہاتھ۔احتساب عدالت کے جج نے ایس پی سیکورٹی کو طلب کیا اور سیکورٹی اہلکار کے ذریعے دانیال عزیز کو باہر نکال دیا گیا۔

موضوعات:دانیال عزیز