پرتشدد احتجاج،سی پیک منصوبے کو پہلا بڑا نقصان ہوگیا

2  ‬‮نومبر‬‮  2018

لاہور(اے این این ) پاکستان اور چین کے درمیان بس سروس کا باقاعدہ آغاز آج سے ہونا تھا تاہم کشیدہ صورتحال کے باعث اسے موخر کردیا گیا ہے۔لاہور سے چین کے شہر کاشغر تک نارتھ ساتھ ٹرانسپورٹ نیٹ ورک پرائیوٹ لمیٹڈ کی بسیں چلیں گی جس میں مسافروں کو آرام دہ اور لگژری سفر کے ساتھ دیگر سہولیات بھی دستیاب ہوں گی۔نجی کمپنی کے حکام کا کہنا ہے کہ بس سروس کا باقاعدہ آغاز آج کیا جانا تھا جس کے لیے بکنگ بھی ہوچکی تھی ۔

تاہم کشیدہ صورتحال کے باعث اب پہلی بس لاہور سے کاشغر کے لیے 5 نومبر کو روانہ ہوگی۔لاہور سے ہفتے میں چار روز ہفتہ، اتوار، پیر اور منگل کو بس کاشغر کے لیے روانہ ہوگی جب کہ کاشغر سے لاہور کے لیے بس منگل، بدھ، جمعرات اور جمعے کے روز روانہ ہوگی۔لاہور سے کاشغر تک یکطرفہ کرایہ 13 ہزار روپے جبکہ لاہور سے کاشغر اور کاشغر سے لاہور دو طرفہ کرایہ 23 ہزار روپے مقرر کیا گیا ہے۔ لاہور سے کاشغر کا سفر تقریبا 36 گھنٹے میں طے ہوگا اور دو روز کے اس سفر کے دوران بس 9 مقامات پر قیام کرے گی۔لاہور سے رات 12 بجے روانہ ہونے والی بس کا پہلا اسٹاپ صبح 4 بجے اسلام آباد میں ہوگا جہاں سے مسافروں کو اٹھایا جائے گا جس کے بعد دوسرا اسٹاپ صبح 7 بجے مانسہرہ میں ہوگا جہاں ناشتہ کیا جائے گا۔مسافر بس کا تیسرا اسٹاپ بیشام میں ہوگا جہاں دوپہر ایک بجے مسافر کھانا کھائیں گے، شام 4 بجے چلاس میں چائے کے لیے اسٹاپ ہوگا جس کے بعد رات 8 بجے گلگت میں پانچواں اسٹاپ کیا جائے گیا جہاں مسافر کھانا کھائیں گے۔سفر کے دوسرے روز صبح دو بجے پاکستانی حدود میں سوست کے مقام پر اسٹاپ کیا جائے گا جہاں مسافروں کو کسٹم اور امیگریشن کے مرحلے سے گزرنا ہوگا۔بس کا ساتواں اسٹاپ پاکستان اور چین کی سرحد خنجراب پاس پر دوپہر 12 بجے ہوگا جہاں مسافروں کی چیکنگ کی جائے گی جس کے بعد ساڑھے 12 بجے چین کی حدود میں گاڑی رکے گی اور مسافروں کی دوبارہ چیکنگ ہوگی اور بس دوپہر تین بجے آخری اسٹاپ کاشغر پہنچے گی۔

اسی طرح کاشغر سے لاہور آنے والی بس چین کے مقامی وقت کے مطابق صبح 11 بجے روانہ ہوگی اور اگلے روز رات 7 بجے لاہور پہنچے گی۔لاہور سے کاشغر یا کاشغر سے لاہور آنے والے مسافروں کو اپنی سفری دستاویزات خود پوری کرنا ہوں گی جس میں ویزا بھی شامل ہے جب کہ مسافروں کو اپنا اصلی شناختی کارڈ، پاسپورٹ اور ٹکٹ ساتھ رکھنا لازم ہوگا۔مسافروں کو سفر کے لیے زیادہ سے زیادہ 20 کلو وزن تک کا سامان ساتھ رکھنے کی اجازت ہوگی، اس سے زائد وزن ہونے کی صورت میں اضافی چارج کیا جائے گا۔لاہور سے کاشغر جانے والے مسافروں کو سفر سے ایک ہفتے قبل سیٹ ریزرو کروانا ہوگی اور سفر کے دوران مسافروں کو انشورنس جیسی سہولت دستیاب نہیں ہوگی۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…