ابھی کل ہی تو زرداری نے کہا تھا کہ حکومت کیساتھ چلیں گے اور رات کو امتحان آگیا،عمران خان بہادری سے ٹی وی پر آئے اور ۔۔۔ وزیراعظم کے خطاب پر اپوزیشن کی تنقید ، حکومت نے کرارا جواب دیدیا

1  ‬‮نومبر‬‮  2018

اسلام آباد (نیوز ڈیسک)وفاقی وزیر تعلیم و پیشہ وارانہ تربیت شفقت محمود نے اپوزیشن رہنما سید خورشید شاہ جانب سے حکومت پر کی گئی تنقید پر کہا ہے کہ عمران خان پر کس بات پر تنقید کی جارہی ہے ٗوزیر اعظم نے 22کروڑ عوام سے خطاب کیا ٗ افسوس ہے کہ معاملے پر سیاست کی گئی ٗجن لوگوں نے اداروں کا مذاق اڑایا انکی ایک دفعہ تو مذمت کرتے ٗآپ نے سیاست چمکائی،

آپ چھوٹے چھوٹے فائدوں کے لیے بڑے مقصد کو قربان کرنے کیلئے تیار ہیں ٗعدالتوں کی رٹ اور قانون کی عملداری سے بڑا قومی مفاد کا معاملہ کیا ہوسکتا ہے،بے جا ترکیبیں اور چھوٹی چھوٹی باتیں نکالنے سے گریز کریں۔ جمعرات کو اسپیکر اسد قیصر کی زیر صدارت قومی اسمبلی کے اجلاس میں وفاقی وزیر شفقت محمود نے اظہار خیال کرتے ہوئے کہا کہ وزیراعظم نے گزشتہ روز22 کروڑ عوام سے خطاب کیا ، افسوس کے اس معاملے پر سیاست کی گئی،ہم اس معاملے پر سیاست نہیں کرنا چاہتے۔دکھ ہوا کہ عمران خان کے ساتھ کھڑے ہونے کے بجائے ان پر تنقید ہورہی ہے۔انہوں نے کہا کہ جن لوگوں نے اداروں کا مذاق اڑایا انکی ایک دفعہ تو مذمت کرتے، وزیراعظم نے کل صاف کہا کہ کسی نے رٹ کو چیلنج کیا تو ہم برداشت نہیں کرینگے ۔وفاقی وزیر نے کہا کہ عمران خان نے کہا قانون کے فیصلے پر عملدرآمد کرائیں گے،اگر ہم اپنی صوابدید پر فیصلے کی منظوری نا منظوری کا فیصلہ کریں گے تو نظام کیسے چلے گا۔ انہوں نے کہاکہ آپ نے سیاست چمکائی،آپ چھوٹے چھوٹے فائدوں کے لیے بڑے مقصد کو قربان کرنے کے لیے تیار ہیں۔انہوں نے کہا کہ یہ ہماری ذمہ داری ہے کہ ہم امن و امان کی صورتحال برقرار رکھیں،قانون نافذ کرنے والے ادارے بھی حرکت میں ہیں ،قانون کی پاسداری کرنے والوں سے بھی بات ہورہی ہے،قانون کی پاسداری نہ کی گئی

تو حکومت کی رٹ کمزور ہوگی،ہم نے خورشید شاہ کی بات خاموشی سے سنی،یہ جگتیں کرررہے تھے۔انہوں نے کہا کہ عدالتوں کی رٹ اور قانون کی عملداری سے بڑا قومی مفاد کا معاملہ کیا ہوسکتا ہے،بے جا ترکیبیں اور چھوٹی چھوٹی باتیں نکالنے سے گریز کریں،سب اکھٹے ہوکر ملک میں قانون کی حکمرانی کی کوشش کریں۔شفقت محمود نے کہاکہ اس سے پہلے جب ایسے واقعات ہوتے تھے

تو حکومت کی جانب سے خاموشی چھا جاتی تھی، لیکن عمران خان بہادری کے ساتھ آئے اور 22 کروڑ عوام کے سامنے حکومت کا موقف بتایا۔انہوں نے اپوزیشن رہنماؤں کو مخاطب کرتے ہوئے کہا کہ بجائے اس کے کہ وزیراعظم کی تعریف کی جائے، آپ سیاست چمکا رہے ہیں۔شفقت محمود نے کہا کہ گزشتہ روز ہی پیپلز پارٹی کے شریک چیئرمین آصف علی زرداری نے کہا تھا کہ

حکومت کے ساتھ چلیں گے اور رات ہی امتحان آ گیا۔انہوں نے کہا کہ یہ موقع ہے کہ ہم ساتھ کھڑے ہوں اور اس اصول کے ساتھ کھڑے ہوں جس پر وزیر اعظم نے تقریر کی۔شفقت محمود نے خورشید شاہ کو مخاطب کرکے کہا کہ آپ نے درست اسٹینڈ نہیں لیا، کس چیز پر تنقید کا نشانہ بنا رہے ہیں؟ ۔ان کا کہنا تھا کہ اگر اپنی سیاست چمکائیں گے تو ریاست کی رِٹ کمزور ہوگی، عدالتوں کی رِٹ قائم کرنی ہے تو اس سے بڑا قومی مفاد کا معاملہ کیا ہوگا۔آخر میں شفقت محمود نے بتایا کہ اس حوالے سے مختلف طریقوں سے پیش رفت ہو رہی ہے اور جو قانون کی حکمرانی تسلیم کرنے کو تیار ہیں ان سے بات چیت بھی ہو رہی ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…