اسلام آباد(آن لائن)ایف بی آر نے ٹیکس نادہندگان کیخلاف گھیرا مزید تنگ کردیا ہے ایف بی آر نے بینکوں سے ٹیکس نادہندگان کی اہم معلومات طلب کرلیں ہیں ۔ایف بی آر ذرائع کے مطابق ایف بی آر نے بنکوں سے 10 لاکھ روپے ماہانہ رقم نکلوانے والے افراد کا ریکارڈ مانگ لیا ہے جبکہ دس لاکھ روپے کیش نکلوانے والے افراد کی ٹیکس کٹوتی کی معلومات بھی حاصل کی جائیں گیذرائع کے مطابق ایک کروڑ روپے

تک رقوم جمع کرانے والوں کی لسٹ بھی حاصل کی جائیگی جبکہ ماہانہ دو لاکھ روپے کریڈٹ کارڈز کا بل جمع کرانے والوں کی تفصیلات بھی طلب کی جائیں گی ذرائع کے مطابق قرضوں پر دس لاکھ روپے سالانہ منافع کمانے والے فائلرز کی فہرستیں بھی ایف بی آر کو فراہم کی جائیں گی ایف بی آر ذرائع کے مطابق قرضوں پر 5 لاکھ روپے منافع کمانے والے نان فائلرز کا ریکارڈبھی فراہم کیا جائے گا

موضوعات:ایف بی آر