الیکشن کمیشن نے اہم حلقے میں دوبارہ پولنگ کرانے کا اعلان کر دیا

  پیر‬‮ 22 اکتوبر‬‮ 2018  |  20:10

اسلام آباد( آئی این پی ) الیکشن کمیشن نے بلوچستان اسمبلی کے حلقہ پی بی 5 میں15 نومبر کو دوبارہ پولنگ کرانے کا اعلان کر دیا ، جبکہ قومی اسمبلی کے حلقہ این اے 258 کے 23پولنگ اسٹیشنوں میں بھی 15 نومبر کو دوبارہ پولنگ ہو گی ۔تفصیلات کے مطابق الیکشن کمیشن نے 5اکتوبر کو اپنے فیصلے میں ان حلقوں میں دوبارہ پولنگ کرانےکا کہا تھا ،جس کے بعد اب الیکشن کمیشن نے قومی اسمبلی کے حلقہ این اے 258کے 23پولنگ اسٹیشنوں اور بلوچستان اسمبلی کے حلقہ پی بی 5میں دوبارہ پولنگ کرانے کی تاریخ کا اعلان بھی کر دیا

ہے ، دونوں حلقوں میں دوبارہ پولنگ 15نومبر کو ہو گی ، اس حوالے سے نوٹیفیکیشن بھی جاری کر دیا گیا ہے ،پولنگ صبح 8بجے سے شام 5بجے تک ہو گی ۔

آج کی سب سے زیادہ پڑھی جانے والی خبریں