شہبازشریف کا خواجہ آصف کیخلاف وعدہ معاف گواہ بننے کابیان! صدر(ن)لیگ کے بیان کے پیچھے اصل وجہ کچھ اور ہی نکلی ،سینئر صحافی نے سنسنی خیز دعویٰ کردیا

18  اکتوبر‬‮  2018

اسلام آباد(مانیٹرنگ ڈیسک)اپوزیشن لیڈر شہباز شریف کے خواجہ آصف سے متعلق وعدہ معاف گواہ بننے کے بیان کے پیچھے چھپا اہم راز سامنے آگیا۔تفصیلات کے مطابق معروف صحافی رؤف کلاسرا کا نجی ٹی وی پروگرام میں کہنا ہے کہ شہباز شریف نے کل قومی اسمبلی میں خواجہ آصف کا نام لیا لیکن میں اس کی اندرونی کہانی بتاتا ہوں۔اصل بات یہ ہے کہ جب خواجہ آصف وزیرپانی وبجلی  اور شہباز شریف وزیر اعلیٰ پنجاب تھے تو خواجہ آصف کی وزارت شہباز شریف اور ان کے صاحبزادے حمزہ شہباز چلاتے تھے۔

کابینہ میں ان دونوں کی اچھی خاصی گرما گرمی ہو گئی تھی۔جس کے بعد خواجہ آصف نے شہباز شریف کی شکایت نواز شریف سے کی تو نواز شریف نے کہا کہ مجھے ان وزارتوں کو کیا پتہ یہ تو شہباز شریف دیکھتے ہیں۔خواجہ آصف نے کہا میں یہ وزارت نہیں چلا سکتا کیونکہ آپ کے بھائی اور بھتیجے ساری ڈیلز کر رہے ہیں۔اس کے بعد پھر نندی پور کا مسئلہ ہوا۔جس کی اب  نیب تحقیقات کر رہا ہے۔نندی پور کی ڈیل شہباز شریف نے کی تھی۔شہباز شریف 22 ارب روپے سے ہونے والی ڈیل 100ارب سے اوپر لے گئے۔اصل میں شہباز شریف نندی پور کی مینٹینسس کا ٹھیکہ ملائشیا کی ایک کمپنی کو دینا چاہتے تھے لیکن خواجہ آصف چین کی کمپنی کو دینا چاہتے تھے۔جب نیب نے نندی پور کی تحقیقات کی تو شہباز شریف سے چینی کمپنی کو ٹھیکہ  دینے کے بعد اس میں کی گئی بے ضابطگیوں سے متعلق پوچھا گیا تو شہباز شریف نے نیب کو بتایا کہ یہ ٹھیکہ تو خواجہ آصف نے  دے دیا تھا۔اس پوائنٹ پر نیب نے شہباز شریف سے کہا کہ آگر آپ یہ بات خواجہ آصف پر ڈال رہے ہیں تو کیا آپ اس کی گواہی دیں گے تو یہ بات تھی جو کہ شہباز شریف کبھی بھی خواجہ آصف کو نہیں بتائیں گے لیکن یہ ساری کہانی تھی جس وجہ سے شہباز شریف نے کہا تھا کہ نیب نے مجھے خواجہ آصف کے خلاف وعدہ معاف گواہ بننے کے لیے کہا تھا۔واضح رہے کہ گزشتہ روز اپوزیشن کی ریکوزیشن پرقومی اسمبلی کا خصوصی اجلاس بلایا گیا تھا جس  میں قائد حزب اختلاف نے دھواں دھار تقریر کی تھی ۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…