لاہور( این این آئی )ضمنی انتخابات میں سیاسی حریفوں مسلم لیگ(ن) اور تحریک انصاف کے کارکنوں نے بھائی چارے کی مثال قائم کر دی ۔ مختلف مقامات پر پی ٹی آئی اور لیگی کارکنوں کے درمیان نوک جھونک اور توں تکرار بھی دیکھی گئی تاہم ایک پولنگ اسٹیشن کے باہر بنائے گئے کیمپوں میں کارکنوں نے بھائی چارے کی مثال

بھی قائم کی ۔ تحریک انصاف کے کارکن (ن) لیگ کے کیمپ پر کھانا اور جوسز کے ڈبے لے کر پہنچ گئے ۔ پی ٹی آئی کے کارکنوں کا کہنا تھاکہ مسلم لیگ (ن) والوں نے ناشتہ کروایا تو ہم کھانا لے کر پہنچ گئے ہیں ۔انتخابات ایک دن کے لئے ہوتا ہے اور ہم اسے فیسٹیول کے طور پر مناتے ہیں، نظریات سب کے الگ ہیں لیکن ہمارے دل یکجا ہیں۔

موضوعات:ضمنی الیکشن