یہ چیز اگرہماری پارٹی یا حلیف جماعتوں کے بھی کسی شخص کی ہوتو بھی اسے نہ چھوڑو،گورنر پنجاب چوہدری محمد سرور نے بڑا حکم جاری کردیا

13  اکتوبر‬‮  2018

لاہور( این این آئی)گورنر پنجاب چوہدری محمد سرور نے کہا ہے کہ پاکستان تحریک انصاف کی حکومت میرٹ پر سختی سے عمل پیرا ہے ، ناجائز تجاوزات اگر ہماری پارٹی یا حلیف جماعتوں کے بھی کسی شخص کی ہوئیں تو وہ بھی گرا دی جائیں گی ، ہم انتقامی سیاست پر یقین نہیں رکھتے ، صاف اور سرسبز پاکستان پروگرام کسی ایک جماعت کا نہیں بلکہ پوری جماعتوں اور عوام کا مشترکہ پروگرام ہے ،

ہم نے فیصلے وہی کرنے ہیں جس میں پاکستان کی سلامتی اور بقا ء بنیادی نقطہ ہو گا ،وزیر اعظم پاکستان کی قیادت میں ملک کو سرسبز اور صاف بنائیں گے ، بلا شبہ میڈیا اس وقت انتہائی موثر اور طاقتور فورم ہے جو دیکھا بھی جاتا ہے ،سنا بھی جاتا ہے اور اس کی رائے کو مقدم بھی جانا جاتا ہے ، ہم میڈیا سے ا پیل کرتے ہیں کہ وہ حکومت کے ان کاموں کی تشہیر اور کوریج کو زیادہ سے زیادہ موثر بنائیں جو عوام الناس کی بہتری کے لئے اٹھائے جا رہے ہیں ، میں میڈیا سے یہ بھی گزارش کروں گا کہ وہ وزیر اعظم صاف اور سرسبز پاکستان پروگرام کی زیادہ سے زیادہ پذیرائی کریں ۔ ان خیالات کا اظہار انہوں نے یہاں ٹاؤن ہال میں کلین اینڈ گرین پروگرام کی افتتاحی تقریب سے خطاب کرتے ہوئے کیا ۔ اس موقع پر چیف سیکرٹری پنجاب یوسف نسیم کھوکھر ، میئر لاہور مبشر جاوید ، بیگم گورنر پروین سرور اور سیکرٹری بلدیات کے علاوہ لیڈی مکلیگن سکول کی بچیاں بھی موجود تھیں۔قبل ازیں انہوں نے ٹان ہال لاہور میں کلین سبز پروگرام کے تحت اپنی بیگم کے ہمراہ پودے لگائے اور صفائی مہم کے ضمن میں جھاڑو دے کر باقاعدہ اس مہم کا آغاز کیا ۔ اس موقع پر انہوں نے سکول کی بچیوں سے مخاطب ہوتے ہوئے کہا کہ آپ اس ملک کا مستقبل ہیں اور میں اس وطن عزیز اور آپ کے مستقبل کو سر سبز و شاداب دیکھنا چاہتا ہوں ۔ گورنر پنجاب نے کہا کہ ملک بھر میں پانچ سالوں میں 10 ارب پودے لگائے جائیں گے جس سے ماحولیاتی آلو دگی ختم ہو گی۔

گورنر پنجاب نے علمائے کرام اور مشائخ عظام پر زور دیا کہ وہ منبر و محراب سے شہریوں میں صفائی اور پاکیزگی کا درس دیں ۔ انہوں نے کہا کہ یہ ملک ہم سب کا ہے اور اس ملک کی بہتری ، خوشحالی اور ترقی کے لئے سب کو مل کر کام کرنا ہے ۔ انہوں نے کہا کہ میئر لاہور ہراول دستے کی طرح ہمارے ساتھ چلے ہیں ۔ ٹاؤن ہال کسی بھی ملک میں نہایت اہمیت کا ادارہ ہوتا ہے کیونکہ یہاں سے بنیادی جمہوریت شروع ہوتی ہے ۔ انہوں نے کہا کہ آج سے 30،40 سال قبل ماحول صاف ستھرا تھا اور دریاں ، ندی نالوں میں صاف پانی آتا تھا مگر بدقسمتی سے آج ہمارے دریا ، ندی نالے جوہڑ کا منظر پیش کر رہے ہیں۔ انہوں نے کہا کہ مستقبل میں پانی کو صاف کرنے کے لئے دریاں پر ٹریٹمنٹ پلانٹ لگائے جائیں گے ۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…