تحریک انصاف نے عارف علوی کی خالی کردہ نشست پر کس جماعت کے اہم ترین رہنما کو ضمنی الیکشن لڑنے کی پیشکش کردی؟حیرت انگیز صورتحال

  بدھ‬‮ 5 ستمبر‬‮ 2018  |  13:25

کراچی(این این آئی)ایم کیوایم پاکستان کے رہنما ڈاکٹر فاروق ستار نے انکشاف کیا ہے کہ انہیں پاکستان تحریک انصاف میں شامل ہوکر ضمنی الیکشن لڑنے کی پیشکش ہوئی ہے۔میڈیا سے گفتگو کے دوران ڈاکٹر فاروق ستار نے صدر منتخب ہونے پر عارف علوی کو مبارکباد دیتے ہوئے کہا کہ این اے 247 سے عارف علوی جیت گئے اور مجھے ہرایا گیا ٗاب امید ہے عارف علوی کراچی کی بھلائی کیلئے کام کریں گے۔انہوں نے کہا کہ ایم کیوایم سندھ کے شہری علاقوں کی اہم ترین جماعت ہے۔سندھ کے مسائل کے حل کیلئے ایم کیوایم کا اہم کردار ہے، گورنر سندھ

پی ٹی آئی اور ایم کیوایم کے اتحاد کو قائم رکھنے کے لیے اقدامات کریں۔انہوں نے کہاکہ ایم کیوایم کے کئی فیصلوں میں مجھے شامل نہیں کیا گیا یا میں خود نہیں ہوا تاہم دلبرداشتہ نہیں ہوں جبکہ علی رضا عابدی نے رابطہ کمیٹی سے دلبرداشتہ ہو کر استعفیٰ دیا، اب بھی وقت ہے انہیں منانا چاہیے اور ایم کیوایم اپنی صفوں کو درست کرے، غلطیوں کا ازالہ کرے، ایم کیوایم ایسا مشاورتی عمل قائم کرے جس سے درست فیصلے ہوں۔

موضوعات:

آج کی سب سے زیادہ پڑھی جانے والی خبریں