بیجنگ(نیوز ڈیسک)چین کی قومی عوامی کانگریس کی مجلس قائمہ کے صدر لی چان شو نے پاکستانی قومی اسمبلی کے اسپیکر اسد قیصر کے نام تہنیتی پیغام بھیجا ہے۔انہوں نے اپنے پیغام میں اسد قیصر کو پاکستانی قومی اسمبلی کا اسپیکر منتخب ہونے پر مبارک باد دی اور نیک تمناوْں کا اظہار کیا ہے۔ انہوں نے کہا کہ چین اور پاکستان سدا بہار دوست اورشراکت دار ہیں۔دونوں ممالک کی دوستی بدلتے ہوئے حالات میں بھی تمام آزمائشوں پر پوری اتر

چکی ہے۔انہوں نے کہا کہ یہ مضبوط اور سدا بہار دوستی ہے۔ چین -پاک تعلقات مختلف ممالک کیلئے ہم آہنگی کے ساتھ بقا اور مشترکہ ترقی کی مثال بن گئے ہیں۔ انہوں نے کہا کہ حالیہ برسوں میں چینی صدر شی جن پھنگ اور پاکستانی رہنماوں کی قیادت میں چین -پاک تعلقات صحت مندانہ اور مستحکم طور پر آگے بڑھتے رہے ہیں۔انہوں نے اپنے پیغام کے آخر میں پاکستان اور اسکی عوام کی خوشحالی کے لیے نیک تمناوْں بھی کا اظہار کیا ۔

موضوعات:اسد قیصر صدرچینی قومی کانگریس