سندھ کی نامور سیاسی شخصیت کی اسد قیصر سے ملاقات،تحریک انصاف کے نامزد سپیکر و ڈپٹی سپیکر کو ووٹ دینے کااعلان کردیا

14  اگست‬‮  2018

اسلام آباد(آن لائن)سندھ کی نامور سیاسی شخصیت غوث بخش مہر نے پاکستان تحریک انصاف کی طرف سے سپیکر و ڈپٹی سپیکر کے نامزد امیدواروں کو ووٹ دینے کا اعلان کرتے ہوئے کہا ہے کہ جمہوریت کے تسلسل کو بڑھانے کے لئے حق داروں کو ان کے حق سے محروم نہیں کیا جاسکتا۔وزارت عظمیٰ کے لئے عمران خان ان کے فیورٹ ترین امیدوار ہیں۔گزشتہ روز پاکستان تحریک انصاف کے نامزد سپیکر کے لئے امیدوار اسد قیصر نے غوث بخش مہر سے ملاقات کی

جس کے نتیجے میں غوث بخش مہر نے انہیں یقین دلایا کہ وہ اپنا ووٹ پاکستان تحریک انصاف کو ہی دینگے۔دوسری جانب جمہوریت کا حسن بھی یہی ہے کہ ووٹ کے حق دار کو ووٹ خود ہی پہچان لیتا ہے ۔ادھر سابق سپیکر قومی اسمبلی فہمیدہ مرزا نے کہا کہ جی ڈی اے پاکستان تحریک انصاف کی حمایت کا اعلان کرتی ہے گزشتہ روز حلف اٹھانے کے بعد خوشی ہوئی کہ جمہوریت دن بدن پنپ رہی ہے اور انتقال اقتدار ابھی ہونا باقی ہے انشاء اللہ ایک دو دن میں وہ مرحلہ بھی مکمل کرلیا جائے گا۔کے پی کے اور بلوچستان سے سپیکر و ڈپٹی سپیکر کا چناؤ خوش آئند ہے ، چھوٹے صوبوں کو نمائندگی دینا قابل تعریف ہے ۔اس موقع پر اسد قیصر نے دونوں رہنماؤں کا شکریہ ادا کیا اور انہوں نے وعدہ کیا کہ ہم عہد کرتے ہیں کہ قائداعظم کے پاکستان کی تکمیل کیلئے کوئی بھی کسر اٹھا نہیں رکھی جائے گی اور انشاء اللہ نیا پاکستان بنے گا۔اسد قیصر کا کہنا تھا کہ سابق اپوزیشن لیڈر سید خورشید احمد شاہ کے پاس جانے کا مقصد ان کی حمایت حاصل کرنا تھا کیونکہ ہم اسمبلی کو منصفانہ طریقے سے چلانا چاہتے ہیں اور جمہوریت کا حسن بھی اسی میں مضمر ہے کہ ایک دوسرے کے مینڈیٹ کا احترام کیا جائے ۔پاکستان پیپلزپارٹی ہو یا ن لیگ ان کو عوام نے جو مینڈیٹ دیا ہے ہم اس کا احترام کرتے ہیں۔



کالم



مشہد میں دو دن (دوم)


فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…

ہم بھی کیا لوگ ہیں؟

حافظ صاحب میرے بزرگ دوست ہیں‘ میں انہیں 1995ء سے…

مرحوم نذیر ناجی(آخری حصہ)

ہمارے سیاست دان کا سب سے بڑا المیہ ہے یہ اہلیت…

مرحوم نذیر ناجی

نذیر ناجی صاحب کے ساتھ میرا چار ملاقاتوں اور…

گوہر اعجاز اور محسن نقوی

میں یہاں گوہر اعجاز اور محسن نقوی کی کیس سٹڈیز…