اسلام آباد (نیوز ڈیسک)پاکستان تحریک انصاف کے ترجمان فواد چوہدری نے کہا ہے کہ کابینہ سمیت تمام امور کے بارے میں فیصلے ہوگئے ہیں۔قومی اسمبلی میں آمد کے موقع پر میڈیا سے گفتگو کرتے ہوئے فواد چوہدری نے کہا کہ اپوزیشن کو حکومت کے ساتھ مل کر چلناچاہیے، اپوزیشن سے درخواست کی ہے نئی روایات کا آغاز کریں۔فواد چوہدری نے کہاکہ کابینہ

سمیت تمام امور کے بارے میں فیصلے ہوگئے ہیں، عمران خان کی ٹیم میں پیشہ ور اور تگڑے لوگ ہیں، لوگوں کو امیدیں بہت ہیں اتنی امیدیں ہوں تو ڈر بھی لگتاہے۔انہوں نے کہا کہ ملک میں عام انتخابات کے ذریعے نئے نمائندوں کا انتخاب ہو چکا ہے اور اب اقتدار کی پرامن منتقلی کا عمل جاری ہے۔ انہوں نے کہا کہ عوام کو ہم سے بہت امیدیں ہیں اور ہمیں ان امیدوں پر پورا اترنا ہے۔

موضوعات:فواد چوہدری