اسلام آباد (مانیٹرنگ ڈیسک)شہباز شریف پنجاب حکومت سے پیچھے اور خاموش ہو کر بیٹھ گئے ہیں، ان کو کہا گیا ہے کہ آپ پنجاب حکومت سے بھی ہٹ جائیں، مریم نواز کی خواہش ہے کہ حمزہ شہباز کسی صورت آگے نہ آئے، اینکر شاہد مسعود کے تہلکہ خیز انکشافات۔ تفصیلات کے مطابق معروف اینکر شاہد مسعود نے انکشاف کیا ہے کہ نواز شریف ہسپتال میں اور علیل ہیں جبکہ یہاں لوگ ہنس کھیل رہے ہیں۔

ان کے چہروں پر اس حوالے سے کوئی پریشانی نہیں۔ سوال یہ پیدا ہوتا ہے کہ ہو کیا رہا ہے؟ ان کا کہنا تھا کہ سابق وزیراعلیٰ پنجاب شہباز شریف اب خاموش ہو کر بیٹھ گئے ہیں اور پنجاب کی حکومت سے بھی پیچھے ہو گئے ہیں ، اس کی وجہ یہ ہے کہ ان کو کہا گیا ہے کہ آپ پنجاب حکومت سے بھی ہٹ جائیں۔اڈیالہ جیل میں قید مریم کا کہنا ہے کہ حمزہ کسی صورت آگے نہ آئے، انتخابات کے بعد حمزہ شہباز دو مرتبہ نظر آئے اور ان دو دنوں میں وہ کافی خوش و خُرم تھے جب انہوں نے کہا کہ مسلم لیگ ن ہی پنجاب میں حکومت بنائے گی۔ اس دن سے لے کر اب تک حمزہ شہباز نظر ہی نہیں آئے۔ اس کی وجہ یہ ہے کہ اگر سخت الفاظ میں کہا جائے تو شہباز شریف اور حمزہ شہباز کو بالکل شٹ اپ کال دے دی گئی ہے اور پارٹی کےسینئر رہنمائوںکو کہا گیا ہے کہ اگر پنجاب کی اگر حکومت آجائے تو کسی کو بھی دے دو لیکن حمزہ شہباز کوکوئی عہدہ نہیں دینا۔ واضح رہے کہ گزشتہ روز یہ انکشاف سامنے آیا تھا کہ نواز شریف کو ہارٹ اٹیک ہوا ہے اور ڈاکٹرز نے ان کی حالت تشویشناک بتائی ہے اور انہیں علاج کیلئے ہسپتال منتقل کرنے کی تجویز دی ہے جس کے بعد نواز شریف کو پمز ہسپتال منتقل کیا گیا ہے۔ میڈیا رپورٹس کے مطابق نواز شریف نے اپنے ابتدائی علاج معالجے کے بعد دوبارہ اڈیالہ جیل جانے کی ضد کی تھی جس کے بعد انہیں اڈیالہ جیل دوبارہ منتل کر دیا گیا ہے جہاں ڈاکٹرز کی ٹیم علاج معالجہ کر رہی ہے۔

موضوعات:پنجاب حکومت حمزہ شہباز شاہد مسعود شہباز شریف مریم نواز نواز شریف