اسلام آباد (مانیٹرنگ ڈیسک)الیکشن جیتنے والی چیئرمین پی سی بی کی اہلیہ جگنو محسن کی شہباز شریف سے ملاقات، پنجاب میں حکومت سازی کیلئے اہم امور پر تبادلہ خیال۔ نجی ٹی وی رپورٹ کے مطابق سابق وزیراعلیٰ پنجاب میاں شہباز شریف سے چیئرمین پی سی بی نجم سیٹھی کی اہلیہ جگنو محسن نے ملاقات کی ہے۔ جگنو محسن اوکاڑ ہ سے کامیاب ہونے والی پنجاب اسمبلی کی آزاد امیدوارہیں۔ شہباز شریف

سے ملاقات میں صوبے میں حکومت سازی سے متعلق تبادلہ خیال کیا گیا ۔ واضح رہے کہ اس وقت مسلم لیگ ن اور تحریک انصاف دونوں جماعتیں پنجاب میں حکومت سازی کیلئے میدان میں آچکی ہیں اور دونوں کی حاصل کردہ نشستوں میں زیادہ فرق نہ ہونے کی وجہ سے آزاد امیدوار اس موقع پر اہمیت اختیار کر چکے ہیں اور دونوں جماعتوں کی جانب سے آزاد امیدواروں کی شمولیت کیلئے جوڑ توڑ کا سلسلہ جاری ہے۔

موضوعات:پنجاب حکومت سازی جگنو محسن نجم سیٹھی