اسلام آباد (نیوز ڈیسک) پاکستان میں عام انتخابات 25 جولائی 2018ء کو ہونے جا رہے ہیں، جس پر تمام سیاسی جماعتیں اپنے منشور اور دعوؤں سے ووٹرز کی توجہ اپنی جانب مبذول کرانے میں لگے ہوئے ہیں، ایک جانب سے انتخابی جلسوں اور کارنر میٹنگز کا سلسلہ جاری ہے تو دوسری جانب مختلف سروے بھی سامنے آ رہے ہیں اور اس میں دعوے کیے جا رہے ہیں کہ کون سی جماعت کتنی سیٹیں جیتے گی، ایسا ہی ایک سروے روشن پاکستان نے کیا ان کے سروے کے مطابق تحریک انصاف ممکنہ طور پر

98 نشستوں جبکہ مسلم لیگ (ن) 70 نشستوں پر کامیاب ہو سکتی ہے، اس کے علاوہ سینئر صحافی افتخار احمد نے انتخابی نتائج سے قبل انتہائی بڑی پیش گوئی کر دی ہے، انہوں نے سماجی رابطے کی ویب سائٹ ٹوئیٹر پر اپنے پیغام میں لکھا کہ پاکستان مسلم لیگ (ن) پنجاب میں اپنے قدم واپس جما رہی ہے اور ممکنہ طور پر وہ پنجاب کی 141 سیٹوں میں سے 70 سے 80 کے درمیان قومی اسمبلی کی نشستوں پر کامیابی حاصل کر سکتی ہے، انہوں نے 10 سیٹیں 15 جولائی سے اب تک حاصل کرلی ہیں۔

موضوعات:سینئر صحافی افتخار احمد