’’الیکشن کے حوالے سے اچھی خبریں نہیں آرہیں‘‘ عمران خان میدان میں آگئے، عوام سے بڑی اپیل کر دی

18  جولائی  2018

نتھیاگلی (نیوز ڈیسک) پاکستان تحریک انصاف کے چیئرمین عمران خان نے کہا ہے کہ گلیات میں انڈسٹری نہیں لگ سکتی جو انڈسٹری لگانے کا کہہ رہا ہے وہ جھوٹ بول رہا ہے، یہاں سیروسیاحت کیلئے نئے پوائنٹس لگائیں گے، نوجوانوں کو ٹورازم کی ٹریننگ دیں گے،یہاں ایسی اسکیم شروع کریں گے جس سے لوگ سردیوں میں بھی یہاں آئیں گے ،پیسہ آئے گا تو پانی کا بھی مسئلہ حل ہو جائے گا۔

بدھ کو نتھیا گلی میں جلسے سے خطاب کرتے ہوئے چیئرمین تحریک انصاف عمران خان نے کہا کہ جو کہتا ہے کہ وہ گلیات میں انڈسٹری لگا دوں گا وہ جھوٹ بول رہا ہے، یہاں انڈسٹری نہیں لگ سکتی، پاکستان کے ہر علاقے کو اللہ نے خصوصیات سے نوازا ہے، سیاح ہمیشہ گرمیوں میں گلیات کا رخ کرتے ہیں، جو خوبصورتی یہاں ہے وہ کہیں بھی نہیں ہے، ہم ہر سال یہاں سیروسیاحت کے نئے پوائنٹس بنائیں گے، جس سے مقامی لوگوں کیلئے روزگار کے مواقع پیدا ہوں گے۔ انہوں نے کہا کہ آج دبئی میں پاکستانی صرف مزدوری کررہے ہیں جبکہ فلپائن اور بھارت کے لوگ اعلیٰ عہدوں پر فائز ہیں، ہم نوجوانوں کو ٹورازم کی ٹریننگ دیں گے، ہم نے گلیات میں سڑکیں بنائیں جس سے یہاں کا روبار دگنا ہو گیا ہے، ہم یہاں اسکیم شروع کرنے لگے ہیں جس سے لوگ یہاں سردیوں میں بھی آئیں گے، جب اس علاقے میں پیسہ آئے گا تو پانی کا بھی مسئلہ حل ہو جائے گا، کراچی، اسلام آباد اور دیگر شہروں میں پانی کی شدید قلت ہے۔انہوں نے کہا کہ ہم نے اپنے دور میں پولیس کو غیر جانبدار کیا، شہباز شریف نے مجھ پر 32جعلی ایف آئی آرز کٹوائیں، نگران حکومت غیر جانبدار ہوتی ہے، امید کرتا ہوں نگران وزیراعلیٰ غیر جانبدار رہیں گے، شہباز شریف کو بھی اڈیالہ جیل جانا ہے، الیکشن کے حوالے سے اچھی خبریں نہیں آرہیں، عوام کو کردار ادا کرنا ہو گا۔ انہوں نے کہا کہ گلیات والے بتائیں کہ کیا آپ کے حالات مری سے بہتر ہیں؟ اگر آپ سمجھتے ہیں کہ حالات بہتر ہوئے ہیں تو آپ نے 25جولائی کو الیکشن کیلئے نکلنا ہے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…