عمران خان کو حکومت ملی تو اسے 2 سال صرف کس چیز کوسمجھنے میں لگ جائیں گے؟ احسن اقبال نے حیرت انگیز دعویٰ کردیا

  منگل‬‮ 17 جولائی‬‮ 2018  |  22:03

نارووال(نیوز ڈیسک) پاکستان مسلم لیگ (ن) کے رہنما و سابق وفاقی وزیرداخلہ احسن اقبال نے کہا ہے کہا وکلاء اور میڈیا ہمارے ملک کا بہترین سرمایہ ہے کیونکہ وکلاء اور میڈیا نے شخصی آزادی کے لئے جدو جہد کی ہے آج ابلاغیات کا دور ہے، جبکہ صحافیوں میں کلمہ حق کہنے کی جرات ہے پاکستان کی عوام کے فیصلوں کو تقدس ہونا چاہئے ۔ان خیالات کا اظہار انہوں نے مقامی میرج ہال میں وکلاء اور صحافیوں سے خطاب کرتے ہوئے کیا۔انہوں نے کہاکہ ملک کو بحرانوں سے نکالنے کے 11 ہزار میگا واٹ بجلی سسٹم میں شامل کی ہے ،

اس وقت ملک میں 45 ارب کے منصوبے جاری تھے اگر حکومت تبدیل ہوئی تو ان منصبوں کا حال بھی وہی ہو گا جو اسلام آباد لاہور موٹروے کی تعمیر کے دوران ہوا تھا حکومتیں بار بار بدلنے سے کئی سال لیٹ اور دوگنا مہنگی بنی تھی پچھلے ڈیڑھ سال سے جو سیاست میں تبدیلی آئی ہے اس سے ملک کوبہت فرق پڑا ہے ، میٹرو پشاورکی لاگت 77 ارب تک پہنچ چکی ہے جسکا نیب کو نوٹس لینا ہوگا،ہمارا منشور ووٹ کو عزت دو اور خدمت کو ووٹ دو ہے ۔احسن اقبال نے کہا کہ مسلم لیگ ن کے قائد اپنی بیمار اہلیہ کو چھوڑ کر پاکستان آئے نواز شریف نے قوم کے آرام کے لئے اپنے آرام کو قربان کر دیاعوام25جولائی کو ووٹ کی طاقت سے نواز شریف کو بری ہونے کا فیصلہ کریں گے ن لیگ کو جتنا نشانہ بنائیں گے اتنا ہی ہمیں ہمدردی کے ووٹ ملیں گے ۔ انہوں نے کہا کہ پی پی پی کی سندھ اور پی ٹی آئی کے پی کے کے اندر ناکام رہے ہیں 31 مئی کو جب ہم نے حکومت چھوڑی لوڈشیڈنگ اور دہشت گردی کے جن کوبوتل میں بند کر دیا ہم نے جو تبدیلی لائی ہے وہ پچھلے 65 سالوں میں نہیں آئی بیروزگاری کوختم کرنے کے لئے پرائیوٹ سیکٹر کو مضبوط کر رہے ہیں سی پیک ایک انڈسٹری ہے ، عمران خان اب مانتے ہیں کہ سی پیک گیم چینجر ہے اگر عمران خان کو حکومت ملی تو 2 سال سی پیک کو سمجھنے میں لگ جائیں گےاس لیڈر جس نے قوم کو چین دیا وہ خود بے چین ہے۔انہوں نے کہا کہ نگران حکومت توجہ ن لیگ سے ہٹائے اور دہشت گردی پر توجہ دیں ن لیگ بائیکاٹ نہیں کرے گی بلکہ ان کا مقابلہ کرے گی کلاء قانون کی حکمرانی کے لئے اپنی آواز کو بلند کریں جبکہ ہم سب کو خدمت کوووٹ دینا ہو گا،میں نارووال کی عوام کا قرض نہیں چکا سکتا میں نے نارووال کی عوام کے لئے جو کچھ کیا اس کی پشت پر نارووال کی عوام ککا اعتماد ہے ،گزشتہ 5سالوں سے نارووال تبدیل ہو چکا ہے اور نارووال کی ترقی کے نتائج 20سالوں میں ملیں گےجب نارووال میں قائم یونیورسٹیوں سے طلبہ اعلی تعلیم لیکر میدان عمل میں نکلیں گے یہی طلبہ پاکستان کی کایا پلٹ کر رکھ دیں گے۔انہوں نے کہا کہ ہمیں نفرت کے پیغام کو مسترد کر کے ترقی کے تسلسل کو ووٹ دینا ہو گا،ہر کلمہ گو ختم نبوت کا سپاہی ہے اور ہر مسلمان کا نبی اکرم ﷺ سے رشتہ ایمانی ہے جبکہ کچھ پارٹیاں ختم نبوت کے نام پر نفرت کو پھیلا رہی ہیں میڈیا اس سلسلہ میں اہم کردار ادا کر سکتا ہے نفرت کے پیغام کو بند نہ کیا گیا تو ہمارا حال شام جیسا ہوگا ہم نے ملک کو پیار کا گلدستہ بنانا ہوگا،انہوں نے کہا کہ جنرل الیکشن 2018پاکستان کے لئے اہم ہو گا لہذا ترقی اور خدمت کے تسلسل کو ووٹ دیں۔تقریب سے رانا منان خان،خواجہ محمد وسیم بٹ اور بلال اکبر نے بھی خطاب کیا۔

موضوعات:

آج کی سب سے زیادہ پڑھی جانے والی خبریں