اسلام آباد(مانیٹرنگ ڈیسک)قصور کی ننھی زینب کے بزرگ والد نے پی ٹی آئی چیئرمین عمران خان ،مسلم لیگ ن صدر شہباز شریف ،پیپلزپارٹی چیئرمین بلاول بھٹو اور امیر جماعت اسلامی سراج الحق سمیت پاکستان عوامی تحریک کے سربراہ طاہر القادری کو خط ارسال کیے ہیں جس میں موقف اختیار کیا گیا ہے کہ ننھی زینب کے قتل میں مجرم عمران کی سیشن کورٹ ،انسداد دہشت گردی عدالت ،ہائی کورٹ اور سپریم کورٹ میں رحم کی اپیلیں خارج ہوچکی ہیں۔

لیکن ابھی تک مجرم عمران کی اپیل صدر پاکستان کے پاس پینڈنگ پڑی ہوئی ہے حالانکہ صدر پاکستان ممنون حسین کو مجرم عمران کی اپیل مسترد کرنے کے بارے میں خط لکھ چکے ہیں لیکن تاحال اس کی اپیل کو مسترد نہیں کیا گیا لہذا تمام سیاسی قائدین سے درخواست ہے کہ وہ انتخابی مہم کے دوران ممنون حسین پر دباؤ ڈالیں کہ چھوٹے چھوٹے بچوں سے گھناؤنے کھیل کھیل کر قتل کرنے والا مجرم عمران رحم کے قابل نہیں بلکہ عبرتناک سزا کے قابل ہے تاکہ آئندہ ایسے جرائم کی روک تھام ہوسکے

موضوعات:زینب صدر ممنون