اسلام آباد(مانیٹرنگ ڈیسک )تم نے میرا سودا کر لیا، مجھے بیچ دیا، میں رات یہاں دری پر لیٹا رہا ، تم ائیرپور کیوں نہیں پہنچے، نواز شریف کا اڈیالہ جیل میں ملاقات کے موقع پر شہباز شریف سے مکالمہ، معروف صحافی نے بڑا دعویٰ کر دیا۔ تفصیلات کے مطابق معروف صحافی و تجزیہ کار چوہدری غلام حسین نے نجی ٹی پروگرام میں گفتگو کرتے ہوئے انکشاف کیا ہے کہ شہباز شریف جس وقت نوازشریف سے ملاقات کیلئے اڈیالہ جیل پہنچے تو نوازشریف نے کہا کہ تم نے سودا کر لیاہے اور مجھے بیچ دیاہے ،

میں رات یہاں دری پر لیٹا رہا ہوں ، تم کہاں گئے تھے اور ایئر پورٹ کیوں نہیں پہنچے۔ چوہدری غلام حسین کا کہنا تھا کہ شہبازشریف نے نوازشریف کا جواب دیتے ہوئے کہا کہ ہمارے بندے پکڑے گئے تھے ، نوازشریف نے آگے سے کہا کہ وہ تولاہور سے باہر پکڑے گئے تھے تم تو لاہور میں جلوس نکا ل رہے تھے آئے کیوں نہیں ، جا ن بوجھ کر سبوتاژ کیاہے اور اب ہر حال میں میری ضمانت کروائے ، مجھے لگتاہے کہ تم چاہتے ہو کہ میں جیل میں ہی مر جاؤں ۔ اس موقع پر نوازشریف نے شہبازشریف سے سیدھے منہ بات تک نہیں کی ۔

موضوعات:اڈیالہ جیل چوہدری غلام حسین شہباز شریف نوازشریف