اسلام آباد(نیوز ڈیسک) نوازشریف اور مریم نواز کو عدالت سے سزاؤں کے بعد مجرمان کے حق میں مظاہرے اور ریلیاں نہ کرنے سے متعلقمسلم لیگ(ن)کے صدر شہبازشریف کے ایک ذمہ دار ادارے کے ساتھ معاہدہ کا انکشاف ہوا ہے ،

(ن)لیگ کی جانب سے اڈیالہ جیل کے باہر یا کسی سڑک پر نوازشریف اور مریم نواز کے حق میں ریلی یا مظاہرہ کیا گیا تو پنجاب حکومت معاہدے کی تمام دستاویزات عوام کے سامنے لا سکتی ہے ۔گزشتہ روز پیر کو نگران پنجاب حکومت کے انتہائی اہم عہدیدار نے نجی محفل میں گفتگو کرتے ہوئے کہا کہ پاکستان مسلم لیگ(ن) کے صدر شہبازشریف نے نوازشریف اور مریم نواز کو عدالتوں سے ممکنہ طور پر دی جانیوالی سزاؤں سے متعلق الیکشن کمیشن آف پاکستان سمیت حکومت پنجاب سے ایک اہم تحریری معاہدہ کیا جس میں کہا گیا کہ پاکستان مسلم لیگ (ن) آئین و قانون کے مطابق نوازشریف اور مریم نواز کی مدد جاری رکھے گی تاہم ان کے حق میں کسی بھی شہر میں ریلی یا مظاہرہ کا انعقاد نہیں کیا جائے گا جس کے پیش نظر شہبازشریف نے نوازشریف کی آمد کے موقع پر علامتی طور پر ایک ریلی کا انعقاد کیا تاہم معاہدے کے تحت پابندی کے باعث وہ ایئرپورٹ کی جانب نہیں بڑھے ۔ذرائع کا کہنا ہے کہ نوازشریف کو اہم لیگی رہنماؤں نے مشورہ دیا ہے کہ وہ اس سلسلے میں اپیل کے فیصلے پر خاموشی اختیار کریں اور الیکشن انعقاد کے بعد ملک بھر میں باپ بیٹی کے حق میں بھرپور مظاہرے کیے جائیں گے۔ذرائع کے مطابق نوازشریف نے شکوہ کے انداز میں گزشتہ روز بھی کہا تھا کہ میرے آنے کے سلسلے میں اگر کوئی معاہدے ہوچکے تھے تو یہ بات ان کے علم میں کہیں نہیں آئی۔

موضوعات:نوازشریف اور مریم نواز