کراچی(مانیٹرنگ ڈیسک )مسلم لیگ (ن) کے سربراہ نواز شریف کے استقبال کو حج سے بڑاکام کہنے پر رانا ثنا اللہ کے خلاف فتویٰ آ گیا۔جامعہ بنوریہ کے سربراہ مفتی نعیم کا کہنا تھا کہ رانا ثنا اللہ نے بیان دے کر اسلام کا مذاق اڑایا ہے ،راناثنا اللہ کا بیان کسی صورت قابل معافی نہیں۔تفصیلات کے مطابق رانا ثناء اللہ نے گزشتہ روزکہا تھا کہ نواز شریف کا استقبال حج سے بڑا کام ہے۔اس بیان پر علما اور عوام کی جانب سے شدید رد عمل کا اظہار کیا جارہا ہے ۔

مفتی زبیر کا کہنا تھا کہ رانا ثنااللہ کا بیان ناجائز اور حرام ہے۔انکا کہنا تھا کہ نواز شریف کے استقبال کو حج سے ملانا جاہلیت کی نشانی ہے۔مفتی زبیر کا مزید کہنا تھا کہ میں رانا ثنا اللہ کے بیان کی شدید مذمت کرتا ہوں۔دوسری جانب جامعہ بنوریہ کراچی کے سربراہ مفتی نعیم نے رانا ثنا اللہ کے خلاف فتویٰ جاری کرتے ہوئے انکے عمل کو ناقابل معافی قرار دے دیا۔جامعہ بنوریہ کے سربراہ مفتی نعیم کا کہنا تھا کہ رانا ثنا اللہ نے بیان دے کر اسلام کا مذاق اڑایا ہے ،راناثنا اللہ کا بیان کسی صورت قابل معافی نہیں۔

موضوعات:رانا ثنا اللہ