کتاب کے منظر عام پر آنے کے بعد ریحام خان کا نجی ٹی وی کو انٹرویو، مزید تہلکہ خیز انکشافات، کتاب کی ایک ایک بات پر قائم ہوں اور ۔۔۔! دھماکہ خیز اعلان کردیا

  جمعرات‬‮ 12 جولائی‬‮ 2018  |  22:48

اسلام آباد (این این آئی)پاکستان تحریک انصاف چیئرمین کی سابقہ اہلیہ ریحام خان نے کہا ہے کہ وہ مکمل طور اپنی کتاب میں لکھے گئے واقعات کی سچائی کے متعلق مطمئن ہیں اور اللہ کو جواب دہ ہیں۔ایک انٹرویومیں ریحام خان نے کہا کہ انہوں نے وہی باتیں کتاب میں لکھی ہیںجن کے شواہد ان کے پاس موجود ہیں۔ انہوں نے کہا کہ میں عدالت میں جاکر کہہ سکتی ہوں کہ سچ لکھا ہے اور میں یہ بات ذمہ داری سے کہہ رہی ہوں۔ریحام خان نے کہا کہ جو باتیں میں نے لکھی ہیں ان کی پارٹی کے لوگ اور

جو ٹی وی میں بیٹھ کر باتیں کررہے ہیں جانتے ہیں کہ یہ باتیں درست ہیں۔اس سے قبل ریحام خان کی کتاب معروف ویب سائٹ ایمیزون پر ریلیز کر دی گئی۔563 صفحات پر مشتمل کتاب کا نام ’ریحام خان‘ ہے اور اس میں مصنفہ نے اپنی زندگی کے اہم واقعات کی تفصیلات درج کی ہیں۔ کتاب کی ریلیز قبل ہی اس کا مبینہ مواد لیک ہو گیا تھا۔ لیک ہونے والے مواد میں ان کے سابق شوہر عمران خان اور دیگر شخصیات کے حوالے سے درج معلومات کی وجہ سے پاکستانی سیاست اور انٹرنیٹ پر ایک طوفان برپا ہوا۔ایمیزون ویب سائٹ پر کتاب کے حوالے لکھا گیا کہ اس میں سماج اور سیاست سے جڑے حساس معاملات کو بیان کیا گیا اور اس کی مصنف کو کتاب کی وجہ سے دھمکیوں، ہراسگی اور زندگی کو خطرے جیسے حالات کا بھی سامنا کرنا پڑا۔

آج کی سب سے زیادہ پڑھی جانے والی خبریں