موسم گرما کی چھٹیوں کے دوران نجی سکولوں کی جانب سے فیسوں کی وصولی، عدالت نے اہم ترین مقدمے کا فیصلہ سنادیا

  جمعہ‬‮ 18 مئی‬‮‬‮ 2018  |  22:35

اسلام آباد(نیوزڈیسک)موسم گرما کی چھٹیوں کے دوران نجی سکولوں کی جانب سے فیسوں کی وصولی، عدالت نے اہم ترین مقدمے کا فیصلہ سنادیا، تفصیلات کے مطابق اسلام آباد ہائی کورٹ نے نجی اسکولوں کو موسم گرما کی تعطیلات کی فیس وصولی سے روک دیا۔میڈیا رپورٹ کے مطابق اسلام آباد ہائی کورٹ میں پرائیویٹ اسکولوں کی فیسوں سے متعلق کیس کی سماعت جسٹس شوکت عزیز صدیقی نے کی۔ پرائیویٹ ایجوکیشنل انسٹیٹیوشن ریگولیٹری اتھارٹی (پیرا) کی جانب سے راشد حنیف ایڈووکیٹ عدالت میںپیش ہوئے۔ جسٹس شوکت عزیزصدیقی نے استفسار کیا کہ فیسوں سے متعلق پیرا کیا کررہی ہے؟ راشد حنیف نے کہاکہ


سندھ، لاہور اور پشاور ہائیکورٹ نے موسم گرما کی فیسوں سے متعلق حکم امتناع جاری کیا ہوا ہے ٗ سنگل رکنی بنچ نے پیرا کے اختیارات ختم کر دیئے تھے، اپیل زیر سماعت ہے۔عدالت نے حکم دیا کہ جن والدین نے بچوں کی موسم گرما کی فیس جمع کرا دی ان کی فیس تعطیلات کے بعد آئندہ مہینوں کی فیس کی مد میں جمع کی جائے، عدالت نے کیس کی سماعت 20 جون تک ملتوی کردی۔

موضوعات:

loading...