رمضان المبارک کے پہلے ہفتے موسم کیسا رہے گا؟ محکمہ موسمیات نے انتہائی تشویشناک پیش گوئی کرکے ہوش ہی اُڑادیئے

  بدھ‬‮ 16 مئی‬‮‬‮ 2018  |  19:29

کراچی (این این آئی)تفصیلات کے مطابق محکمہ موسمیات نے آج(جمعرات) سے شہر میں شدید گرمی کی پیشگوئی کرتے ہوئے درجہ حرارت41 ڈگری سینٹی گریڈ تک بڑھنے کی پیشگوئی کی ہے۔رمضان المبارک کی آمد سے قبل کراچی میں گرمی کی شدت میں اضافہ ہورہا ہے اور محکمہ موسمیات نے ماہ صیام کا پہلا ہفتہ شدید گرم ہونے کی بھی پیشگوئی کردی ہے۔ڈائریکٹر محکمہ موسمیات عبدالرشید کے مطابق کراچی میں جمعرات سے سمندری ہوائیں بند ہونے کا امکان ہے،جس کے باعث شمال مغربیعلاقوں سے گرم اور خشک ہوائیں موسم کو مزید گرم کر دیں گی۔ڈائریکٹر محکمہ موسمیات کا کہنا ہے کہ شہر

میں درجہ حرارت 41 ڈگری سینٹی گریڈ کو چھو سکتا ہے اور آئندہ ہفتے جمعرات تک گرمی کی شدت برقرار رہنے کا امکان ہے، اس طرح رمضان المبارک کا پہلا ہفتہ شدید گرم ہوگا۔ڈائریکٹر محکمہ موسمیات کے مطابق پندرہ جون تک موسم گرم رہے گا، تاہم پندرہ جون کے بعد سے کراچی میں صبح و شام بوندا باندی ہونے کی نوید سنائی ہے۔

آج کی سب سے زیادہ پڑھی جانے والی خبریں