اسلام آباد(مانیٹرنگ ڈیسک) ایک اور حوا کی بیٹی ظلم کا نشانہ بن گئی،قصور سے تعلق رکھنے والے سفاک شخص نے اپنی سابقہ بیوی کو ہی ساتھیوں کے ساتھ  ملکر اجتماعی زیادتی کا نشانہ بنا ڈالا۔پولیس خاتون کو انصاف دینے کی بجائے ملزمان کو تحفظ فراہم کرنے لگی۔میڈیا رپورٹس کے مطابق قصور کے نواحی علاقہ جمیر کلاں میں درندہ صفت شخص نے حواء کی بیٹی پر ظلم کے پہاڑ توڑنے کی انتہا کر دی۔قصور پولیس انصاف دینے کی بجائے خاتون کے

ساتھ زیادتی کرنے والے ملزمان کو تحفظ فراہم کرنے میں لگی ہوئی ہے۔۔پولیس نے درخواست وصول کرنے اور ملزمان کے خلاف کسی بھی طرح کی کارروائی کرنے سے صاف انکار کر دیا ہے۔رپورٹ کے مطابق اشرف نامی شخص نے مذکورہ خاتون سے ڈیڑھ سال قبل شادی کی تھی۔۔شادی کے بعد دونوں کے ہاں ایک بیٹی کی ولادت ہوئی۔جب کہ اشرف بیٹے کا خواہش مند تھا،بیٹی کے پیدا ہونے پر اشرف  غصے سے آگ بگولا ہو گیااور اس نے اپنی بیوی کو بد ترین تشدد کا نشانہ بنانا شروع کر دیا۔اسی دوران ایک دن طیش میں آنے کے بعد اشرف نے اپنی بیوی کو طلاق دے دی۔معلوم ہوا ہے کہ اشرف کا تعلق ایک سیاسی جماعت سے ہے۔ ایک روز اشرف نے اپنے ساتھیوں کے ہمراہ خاتون کے گھر پر دھاوا بول دیااور نہ صرف اپنی سابقہ بیوی کو زیادتی کا نشانہ بنایا بلکہ اشرف کے چار ساتھیوں نے بھی خاتون کے ساتھ زیادتی کی۔اس واقعے کے بعد اشرف اور اس کے ساتھیوں نے یہ وطیرہ بنا لیا اور نشے میں دھت خاتون کے گھر پر پہنچ جاتے ہیں اور خاتون کے جسم کے مختلف حصوں کو سگریٹ سے زخمی بھی کرتے ہیں۔جب اس تمام واقعے کا علم علاقے کے لوگوں کو ہوا تو انہوں نے پولیس کو آگاہ کیا تا ہم پولیس نے فرضی کارروائی کرتے ہوئے مقدمہ درج کیا لیکن کسی ملزم کو گرفتار نہ کیا۔اشرف نے خاتون کو دھمکی دی کہ وہ یہ مقدمہ واپس لے ورنہ دوسری صورت میں وہ اس کی بیٹی کو اغوا کر لیں گے۔جس کے بعد خاتون نے مقدمہ واپس لے لیا۔

موضوعات:زیادتی قصور