اسلام آباد(نیو زڈیسک)امریکا نے وزیر داخلہ احسن اقبال پر قاتلانہ حملے کی شدید لفظوں میں مذمت کی ہے۔ خبر کی تفصیلات کے مطابق پاکستان میں امریکی سفیر ڈیوڈ ہیل وفاقی وزیر احسن پر قاتلانہ حملے کی شدید مذمت کی ہے اور ان کی جلد صحت یابی کیلئے نیک خواہشات کا اظہار بھی کیا ہے ۔ یاد رہے کہ احسن اقبال پر ناروال جلسے سے واپس لوٹتے وقت عابدنامی شخص نے فائر کھول دیئے تھے جس کی وجہ سے

وفاقی وزیر زخمی ہوئے ۔ دریں اثنا سابق وزیراعظم نواز شریف نے کہا ہے کہ ہمیں ججز کی تعیناتی کا طریقہ کار کو درست کرنا ہوگا اور سپریم جوڈیشل کونسل کے طریقہ کار کو بھی بدلنا ہوگا،وزیرداخلہ پر حملہ معمولی بات نہیں، یہاں تک نوبت پہنچنا تشویشناک ہے، جب لوگوں میں ہزار ہزار روپے تقسیم کیے جائینگے تو ایسا ہی رد عمل آئے گا ،ملک میں احتساب صرف سیاست دانوں کا ہوتا ہے، الیکشن میں کامیابی کے بعد نیا نظام ضرور لائینگے، ہمارے لوگوں کو توڑنے کیلئے ڈرانے، دھمکانے اور نیب میں کیسز چلا ئے گئے مگر اس کے باوجود مخلص لوگوں نے وفاداریاں نہیں بدلیں۔کمرہ عدالت میں میڈیا سے غیر رسمی گفتگو میں سابق وزیراعظم نواز شریف کا کہنا تھا کہ وزیرداخلہ پر حملہ معمولی بات نہیں، یہاں تک نوبت پہنچنا تشویشناک ہے، جب لوگوں کو ہزار ہزار روپے تقسیم کیے جائیں گے تو یہی ہوگا، قوم جاننا چاہتی ہے کہ ہزار ہزار روپیہ کیوں دیا گیا۔

موضوعات:احسن اقبال امریکا قاتلانہ حملہ