اسلام آباد(مانیٹرنگ ڈیسک) شہباز شریف کی اہلیہ تہمینہ درانی کے سابق سیکرٹری زبیر محمود نے کہا ہے کہ مجھے جان سے مارنے کی دھمکیاں دی جارہی ہیں، لاہور میرے لئے لوگو ایریا بن چکا ہے، میرا بچہ سکول تک نہیں جا سکتا، سپریم کورٹ مجھے سیکیورٹی فراہم کرے، اس ضمن میں نے درخواست بھی عدلیہ میں دائر کر دی ہے، چوہدری نثار علی کبھی بھی تحریک انصاف میں نہیں جائیں گے،

ان خیالات کا اظہار انہوں نے نجی ٹی وی سے گفتگو کرتے ہوئے کیا، زبیر محمود نے الزام لگایا ہے کہ پنجاب حکومت میری جان لینا چاہتی ہے اور مجھے جان سے مارنے کی دھمکیاں دی جارہی ہیں، انہوں نے کہا کہ پنجاب حکومت بیٹھ لوگ بہت طاقتور ہیں اور میں ایک مڈل کلاس سے تعلق رکھتا ہوں، میرا بچہ سات سال کا ہے اور وہ ابھی سکول نہیں جا سکتا، کیونکہ لاہور میرے لئے نوگو ایریا بن چکا ہے، انہوں نے کہا کہ میں نے سپریم کورٹ میں سیکیورٹی دینے کیلئے درخواست دائر کر دی ہے اور مجھے قوی امید ہے کہ عدلیہ مجھے تحفظ و انصاف فراہم کرے گی، ایک سوال پر انہوں نے کہا کہ اگر مجھے ثابت کرنا پڑا تو میں ثابت بھی کروں گا کہ مجھے جان سے مارنے کی دھمکیاں دی گئی ہیں، یہ میں الزام نہیں لگا رہا بلکہ سچ بول رہا ہوں، انہوں نے کہا کہ میں اب بھی لاہور چہر سے باہر ہوں کیونکہ میرے جان کو خطرہ ہے، سیکیورٹی ایشو کے باعث اب میں لاہور میں نہیں رہ سکتا، ایک سوال پر انہوں نے کہا کہ میں اب بھی اپنے موقف پر قائم ہوں اور چوہدری نثار کبھی بھی تحریک انصاف میں نہیں جائیں گے، اس کی وجہ یہ ہے کہ اب (ن) لیگ کی صدارت شہباز شریف کو مل گئی اس لئے اب چوہدری نثار کیوں پی ٹی آئی میں جائیں گے جو میں نے دیکھا ہے اس کے مطابق چوہدری نثار میاں شہباز شریف کے ساتھ ہی رہیں گے وہ عمران خان کے ساتھ نہیں جائیں گے، واضح رہے کہ زبیر محمود نے چوہدری نثار اور شہباز شریف ملاقاتوں کے حوالے سے بھانڈہ پھوڑا تھا اور کہا تھا کہ چوہدری نثار نواز شریف کے خلاف میاں شہباز شریف کے کہنے پر سب کچھ کر رہے ہیں۔

موضوعات:تہمینہ درانی کے سابق سیکرٹری زبیر محمود