سرگودھا (مانیٹرنگ ڈیسک) فیس بک پر دوستی محبت میں تبدیل ہونے پرپاکستان میں دلہنوں کی آمد کے بعد اب غیر ملکی دولہےبھی وارد ہونے لگ گئے، سرگودھا کی شمع چین کے بدیہو کو پیاری ہو گئی۔ تفصیلات کے مطابق فیس بک پر دوستی محبت میں تبدیل ہونے پر پاکستان میں دلہنوں کی آمد کا سلسلہ تو جاری تھا اور گاہے بگاہے ایسی خبریں میڈیا کی زینت بنتی آرہی تھیں کہ فلاں ملک سے غیر ملکی لڑکی یا خاتون پاکستان میں اپنی محبت کو پانے کیلئے آن پہنچی ہے اور پاکستانی دولہے کے ساتھ دھوم دھام سے

شادی ہو گئی ہے مگر اب اس روایت کو سرگودھا کی شمع اور چین کے بدیہو نے تبدیل کر دیا۔ سرگودھا کے چک 47 شمالی کی رہائشی شمع کی فیس بک پر چین کے رہائشی بدیہو سے دوستی ہوئی جو بعدازاں محبت میں تبدیل ہو گئی اور دونوں نے شادی کا فیصلہ کیا، جس کیلئے بدیہو یہاں آ یا اور گزشتہ روز رشتہ ازدوا ج میں منسلک ہو گئے۔مقامی گرجا گھر میں ان کی شادی کی رسومات ادا کی گئیں ، اس موقع پر بدیہو اور شمع کا کہنا تھا وہ اس رشتے پر بہت خوش ہیں جبکہ دولہا کو چینی زبان کے علاوہ کوئی اور زبان نہیں آتی ۔

موضوعات:پاکستانی دلہن شمع چینی دولہا بدیہو