سر جی! پاکستانی کرکٹر اشارے کر رہا ہے۔۔ واہگہ بارڈر پر حسن علی کے ’جنریٹر سٹارٹ جشن‘نے بھارتیوں کومرچیں لگا دیں، بھارتی بارڈر سکیورٹی فورس کا افسر کمانڈر کو کیا رپورٹنگ کرتا رہا، جان کر آپ کی بھی ہنسی نہیں رکے گی

  اتوار‬‮ 22 اپریل‬‮ 2018  |  15:53

اسلام آباد(مانیٹرنگ ڈیسک)واہگہ بارڈر پر پرچم اتارنے کی تقریب کے موقع پر قومی کرکٹ ٹیم کے فاسٹ بائولر حسن علی کے جشن نے بھارتی فوج کو مرچیں لگا دیں، بی ایس ایف کا پریڈ کے دوران مداخلت کا جواز بنا کر پاکستان رینجرز سے باقاعدہ احتجاج ریکارڈ کرانے کا فیصلہ۔ تفصیلات کے مطابق گزشتہ روز واہگہ بارڈر پر پرچم اتارنے کی تقریب دیکھنے کیلئے خصوصی طور پرپاکستان کرکٹ ٹیم کے کھلاڑی واہگہ پہنچے۔ خیال رہے کہ قومی کرکٹ ٹیم کے غیر ملکی دورے سے قبل ان کا تربیتی کیمپ قذافی سٹیڈیم میں لگایا گیا ہے جہاں سے کھلاڑی واہگہ بارڈر

پر پرچم اتارنے کی تقریب دیکھنے کیلئے خصوصی طور پر واہگہ بارڈر گئے تھے ۔ واہگہ بارڈ پر حسن علی نے دوران پریڈ عین سرحد کے اوپر گیٹ کے سامنے بھارت کی جانب رخ کر کے اپنے مخصوص انداز میں جشن منایا جس پر اب اطلاعات ہیں کہ نڈین بارڈر فورس نے حسن علی کی جانب سے پریڈ میں مداخلت کرنے کا سختی سے نوٹس لیتے ہوئے پاکستانی رینجرز کیساتھ احتجاج ریکارڈ کرانے کا فیصلہ کیا ہے جن کا کہنا ہے کہ پروٹوکول کے مطابق تقریب میں انڈین بارڈر سکیورٹی فورس اور پاکستان رینجرز کے جوان ہی شریک ہوتے ہیں۔بارڈر سکیورٹی فورسز (پنجاب فرنٹیئر) کے انسپکٹر جنرل موکول گوئل نے بھارتی خبر رساں ادارے سے گفتگو کرتے ہوئے کہا کہ حسن علی کی جانب سے مداخلت نے پریڈ کی ’حرمت‘ کو نقصان پہنچا ،ہم پاکستان رینجرز کو احتجاج ریکارڈ کرائیں گے،بارڈر کے دونوں جانب تماشائیوں کے بیٹھنے کی جگہ پر رہ کر کوئی بھی جارحانہ انداز اپنا سکتا ہے لیکن کوئی عام شخص پریڈ میں مداخلت نہیں کر سکتا، پریڈ سے پہلے یا پریڈ کے مطابق لوگوں کو اس طرح کے کام کرنے کی اجازت ہوتی ہے، لیکن پریڈ کے درمیان وہ ایساکوئی کام ہرگز نہیں کرسکتے ۔بارڈر سکیورٹی فورس کے ترجمان اور ڈی آئی جی آر ایس کٹاریہ نے بھارتی میڈیا سے گفتگو کرتے ہوئے کہا میں اس وقت چھٹیوں پر ہوں لیکن اس معاملے کی تحقیقات کی ہیں، بارڈر سکیورٹی فورسز کے ایک افسر نے بتایا ہے کہ پاکستانی کرکٹ ٹیم پریڈ دیکھنے کیلئے واہگہ بارڈر آئی تھی جہاں پریڈ کے دوران ایک پاکستانی کرکٹر نے اشتعال انگیز اشارے شروع کر دئیے، یہ سب پاکستانی سائیڈپر ہوا جبکہ بعد میں پاکستانی حکام نے اس کھلاڑی کو بٹھا دیا۔چونکہ یہ دو ملکوں کی فوج کے درمیان ہونےوالی پریڈ ہے، اسلئے بی ایس ایف پاکستان رینجرز کو احتجاج ریکارڈ کرائےگی۔خیال رہے کہ فاسٹ بائولر حسن نے بھارتیوں کی جانب رخ کر کے جنریٹر جشن جیسے وہ میدان میں وکٹ لینے کے بعد مناتے ہیں کی ویڈیو سوشل میڈیا پر وائرل ہو گئی ہے جسے پاکستانی سوشل میڈیا صارفین خوب سراہ رہے ہیں۔

موضوعات:

آج کی سب سے زیادہ پڑھی جانے والی خبریں