اسلام آباد(مانیٹرنگ ڈیسک)نجی ٹی وی پروگرام کے دوران چرسی ہوٹل میں آنے کی دعوت نے میزبان کو پریشان کردیا، نجی ٹی وی پروگرام کے دوران گفتگو کرتے ہوئے تحریک انصاف کے ترجمان فواد چوہدری نے  کہا کہ ہم پیپلز پارٹی اور مسلم لیگ (ن) کے سکینڈلز کی بات کر رہے ہیں۔ مسلم لیگ (ن) نے 40 ارب روپے کے صرف اشتہارات ہی دیئے ہیں تو ان کی میڈیا ہیڈلنگ بہت مختلف ہے۔مائزہ حمید کہہ رہی ہیں کہ ہم کرپٹ ہیں، ہم بڑے پراجیکٹس بناتے ہیں

تاکہ ہم پیسے بنا سکیں۔اب آپ بھی لاہور میں ہیں اور میں بھی لاہور میں ہوں، انہوں نے چار بلین ڈالر لاہور پر خرچ کیا اور آپ چینل کے دفتر سے نکل کر ڈی ایچ اے نہیں جا سکتے۔ یہ ان کی پلاننگ کا حال ہے، اس پر مائزہ حمید نے کہا کہ آپ نے پشاور میں کیا کچھ کیا ہے کہ جس کا اشتہار بھی دے سکیں، اس کے بارے میں بھی بتا دیں تو فواد چوہدری نے جواب دیتے ہوئے کہا کہ ” آپ پشاور تشریف لائیں آپ کو(چرسی ہوٹل)سے کھانا کھلائیں گے، آپ کو پشاور دکھائیں گے، ہسپتال اور سکول دکھائیں گے، آپ ہمت کریں اور لاہور سے نکلنے والی بنیں اور آئیں۔اسی طرح نواز شریف اور مریم بی بی سے کہیں کہ ہیلی کاپٹر پر نہ جائیں بلکہ سڑکوں پر جائیں اور ہسپتالوں کو دیکھتے جائیں۔فواد چوہدری کی جانب سے چرسی ہوٹل کا نام لینے پر کامران شاہد بھی تجسس کا شکار ہو گئے اور کہا کہ میرا آپ سے بڑا سنجیدہ سوال ہے کہ چرسی ہوٹل میں کیا ملتا ہے؟ جس پر فواد چوہدری نے کہا کہ چرسی ہوٹل پشاور کا بہت مشہور ہوٹل ہے جہاں تکے، نمکین کڑاہی اور اسی طرح کی کھانے پینے والی چیزیں ملتی ہیں۔کامران شاہد نے کہا کہ میں تو پریشان ہی ہو گیا تھا کہ کہیں آپ نے ایسی ویسی جگہ پر آنے کی دعوت نہ دیدی ہو جس پر فواد چوہدری نے کہا کہ مجھے لگتا ہے کہ آپ کا ارادہ کچھ اور تھا لیکن بدقسمتی سے وہاں سے صرف کھانا ہی ملتا ہے تو کامران شاہد نے کہا کہ میرا تو ایسا کوئی شوق ہی نہیں ہے ۔

موضوعات:کامران شاہد