اسلام آباد (مانیٹرنگ ڈیسک)چین کا پاکستان کو ایسے ہتھیار سے لیس کرنے کا اعلان کہ جس کی بدولت بھارت کا چپہ چپہ پاکستان کے نشانے پر آگیا۔ تفصیلات کے مطابق جیانگ سو صوبے میں نانجنگ ریسرچ انسٹی ٹیوٹ کے سربراہ ہو منگ چن کا کہنا ہے کہ چین امریکی چھپے طیاروں کی موجودگی کا معلوم کرنے کے قابل ہو گیا ہے اور اس قسم کے ریڈار پر مزید کام کیا جا رہا ہے.

یہ ریڈار کسی بھی قسم کی سواری پر نصب کئے جا سکتے ہیں. یہ ریڈار ہوائی جہاز کے ساتھ ساتھ کروز اور بلیسٹک میزائل بارے بھی معلومات فراہم کرنے میں مددگار ہیں۔چین نے پاکستانی فضائی کے جے ایف 17تھنڈر طیارے کو اپنے ریڈار نظام سے لیس کرنے کا بھی اعلان کیا۔ پ گریڈیشن سے طیارے کی جنگی صلاحیت میں اضافہ ہو گا، نیا چینی ریڈار نظام ٹیکنالوجی اور صلاحیت کے لحاظ سے دنیا بھر میں تسلیم کیا جاتا ہے، جدید ترین ریڈار کے ساتھ اپ گریڈ بلاشبہ ترقی یافتہ ملکوں کے ممکنہ خریداروں کے لئےجے ایف 17تھنڈر طیارےکی مانگ کو بڑھا دے گاجیانگ سو صوبے میں نانجنگ ریسرچ انسٹی ٹیوٹ کے سربراہ ہو منگ چن کا کہنا تھا کہ یہ ٹیکنالوجی طویل فاصلے سے دشمن کا پتہ فراہم کرتی ہے. جنگ میں دشمن کی چالوں اور نقل و حرکت کا پہلے معلوم ہونا جنگی استعداد کو بڑھا دیتا ہے. ایسی انفارمیشن سے دشمن سے پہلے اس پر کاری ضرب لگائی جا سکتی ہے اور یہی جنگ کا اصول ہے. یہ ایک اچھی مزاحمتی صلاحیت ہے جو دشمن جہاز کو مداخلت سے باز رکھتی ہے۔واضح رہے کہ پاکستان اور چین دونوں نے مل کر جے ایف 17تھنڈر طیارہ چین میں تیار کیا تھا ۔ اس طیارے میں فرانس کا بنایا ہوا انجن استعمال ہوا ہے جبکہ میانمار کی فضائیہ کی جانب سے بھی اس طیارے کے بنانے میں مدد فراہم کی گئی ہے۔ پاکستان اور چین اب جے ایف تھنڈر کو

بین الاقوامی مارکیٹ میں درمیانے درجے کے طیارے کے طور پر لانچ کر کے زرمبادلہ کمانے کا ارادہ بھی رکھتے ہیں۔

موضوعات:پاکستان جے ایف 17تھنڈر چین ریڈار نظام