اسلام آباد(آئی این پی ) ڈپٹی چیئرمین پلاننگ کمیشن سرتاج عزیز نے کہا ہے کہ پاکستان میں پانی کی کمی کو دور اور بجلی پیدا کرنے کیلئے ہمیں آبی وسائل کیلئے بہتر منصوبہ بندی ترجیحی بنیادوں پر کرنی چاہیے ،پانی کے ذخائر کو محفوظ کرکے زرعی ترقی میں اہم کردار ادا کیا جا سکتا ہے،ملکی مستقبل کی ترقی کا دارومدار پاکستان کے آبی ذخائر میں توسیع اور مناسب استعمال پر ہے۔

اجلاس سے خطاب کرتے ہوئے ڈپٹی چیئرمین پلاننگ کمیشن سرتاج عزیز نے کہا کہ پاکستان میں پانی کی کمی کو دور کرنے اور بجلی پیدا کرنے کیلئے ہمیں چاہئے کہ آبی وسائل کیلئے بہتر منصوبہ بندی ترجیحی بنیادوں پر کریں، پلاننگ کمیشن کو یہ یقین ہے کہ پانی کے ذخائر کو محفوظ کرکے زرعی ترقی میں اہم کردار ادا کیا جا سکتا ہے، اس کے لئے پانی کے استعمال میں کفایت شعاری جس میں فصلوں کو پانی دینے کیلئے مناسب طریقہ کار، ایسی فصلیں اگانا جس میں پانی کم سے کم استعمال ہو اور فصلوں کو پانی دینے کے جدید طریقوں کو متعارف کروانے کی اشد ضرورت ہے، ملک کی مستقبل کی ترقی کا دارومدار پاکستان کے آبی ذخائر میں توسیع اور مناسب استعمال پر ہے۔

موضوعات:سرتاج عزیز