اسلام آباد(مانیٹرنگ ڈیسک)پاکستان کے سابق مایہ ناز ہر دلعزیز سپہ سالار جنرل(ر)راحیل شریف اس وقت سعودی عرب میں اسلامی اتحادی فوج کی سربراہی کر رہے ہیں۔ سعودی عرب میں بھی پاکستان کے سابق آرمی چیف جنرل(ر)راحیل شریف ہر دلعزیز شخصیت کے طور پر ابھر کر سامنے آئے ہیں اور سعودی عرب کی اہم شخصیات سمیت وہاں کے عوام پاکستانیوں کی طرح راحیل شریف کو

اپنا ہیرو سمجھتے ہیں۔سعودی شاہی خاندان میں آپ کو انتہائی قدر اور عزت کی نگاہ سے دیکھا جاتا ہے اور شاہی خاندان کے افراد آپ کی بہت عزت و احترام کرتے ہیں۔راحیل شریف کی سعودی عرب میں شہرت کا اندازہ اس بات کا اندازہ اس بات سے لگایا جا سکتا ہے کہ جب جنرل(ر)راحیل شریف سعودی شاہی خاندان کی ایک شادی میں شرکت کی دعوت ملنے پر وہاں پہنچے تو ان کا انتہائی شاندار استقبال کیا گیا اور اس دوران انہیں سربراہ مملکت جیسا پروٹوکول دیا گیا۔ راحیل شریف کے استقبال کیلئے سعودی شاہی خاندان کے افراد گیٹ پر ہی موجود تھے جنہیں نے راحیل شریف کو رسیو کیا اور ہال میں نہایت عزت و احترام کے ساتھ لے کر آئے ۔ ہال میں راحیل شریف کا دولہے سے تعارف کروایا گیا اور اس دوران راحیل شریف نے دولہے کو سلامی کا ایک لفافہ بھی پیش کیا۔ دوران تقریب شاہی خاندان کے وہاں موجود افراد اور دولہے کی شدید خواہش رہی کہ راحیل شریف ان کے ساتھ تشریف رکھیں۔ اس دوران روایتی انداز میں راحیل شریف کو سعودی قہوہ بھی پیش کیا گیا جبکہ سعودی روایت کے مطابق جب تلواروں کا رقص شروع ہوا تو راحیل شریف کو بھی اس میں شریک کیا گیا اور راحیل شریف تلوار تھامے روایتی انداز میں سعودی شاہی خاندان کی خوشیوں میں تلوار کے

ساتھ رقص میں شریک ہوئے۔ راحیل شریف کی شاہی شادی میں شرکت کی یہ ویڈیو تیزی سے وائرل ہو رہی ہے اور سوشل میڈیا صارفین کی ایک بڑی تعداد راحیل شریف کو نہایت خوشگوار موڈ میں دیکھ کر سراہ رہی ہے۔

موضوعات:راحیل شریف سعودی شاہی شادی