اسلام آباد(مانیٹرنگ ڈیسک)کراچی میں افسوسناک واقعہ ، سرجانی ٹاؤن کے علاقے میں شکاری باپ کے ہاتھوں خرگوش کے بجائے جوان بیٹا مارا گیا۔ خون میں لت پت لاش دیکھ کر شکاری باپ ہوش و حواس کھو بیٹھا۔نجی ٹی وی کے مطابق لیاقت آباد کے علاقے ریحان آباد کا دکاندار عرفان اپنے جوان بیٹے رضوان کے ہمراہ جیپ میں شکار کے لئے نکلا تھا۔سرجانی ٹائون میں عبد اللہ موڑ کے قریب جیپ خراب ہونے پر دونوں باپ بیٹا پیدل آگے

بڑھ رہے تھے کہ آگے چلنے والا 16 سالہ رضوان ٹھوکر لگنے سے گرا تو عقب میں آنے والے اس کے باپ عرفان نے جھاڑیوں میں ہونے والی نقل و حرکت کو خرگوش کی موجودگی سمجھ کر شاٹ گن سے فائر کردیا لیکن جب اس نے اپنے بیٹے رضوان کو خون میں لت پت دیکھا تو حواس باختہ ہوگیا ۔زخمی رضوان کو ہسپتال لے جانے کی کوشش کی مگر وہ دم توڑ گیا۔پولیس کے مطابق  واقعہ اتفاقی ہے ۔میت جیسے ہی  گھرپہنچی تو کہرام مچ گیا۔

موضوعات:کراچی