اگلے الیکشن میں مداریوں اور زرداریوں کو شکست فاش ہو گی،پشاور والو! ہمیں ووٹ دو ، میٹرو ہم آپ کو بنا کر دینگے،عمران خان جھوٹوں کا آئی جی کہتا تھا بجلی بناکر دیگا، کہاں ہے بجلی ؟ شہباز شریف کی مخالفین پر شدید تنقید

15  فروری‬‮  2018

اسلام آباد(مانیٹرنگ ڈیسک) اگلے الیکشن میں مداریوں اور زرداریوں کو شکست فاش ہو گی، نیازی نے پشاور اکھاڑ دیا، پشاور والو! ہمیں ووٹ دینا ، میٹرو ہم بنا کر دینگے، زرداری کی لوٹی دولت واپس لائوں گا،شہباز شریف کا بورے والا میں جلسہ عام سے خطاب ، سپیڈو بس، زرعی یونیورسٹی اور میڈیکل کالج بنانے کا اعلان کر دیا۔ تفصیلات کے مطابق وزیراعلیٰ پنجاب شہباز شریف نے

بورے والا میں جلسہ عام سے خطاب کرتے ہوئے کہا ہے کہ بورے والا میں عوام کا یہ ٹھاٹھیں مارتا سمندر اس بات کا ثبوت ہے کہ اگلے الیکشن میں مداریوں اور زرداریوں کوشکست فاش ہوگی، ساڑھے چار سالوں میں لوڈشیڈنگ ختم کردی ہے اب موسم گرما میں گرمی ہوگی لیکن کمرے اور دکانیں ٹھنڈی ہوں گی۔کسانوں کے ٹیوب چل رہے ہوں گے۔جتنی بجلی ہم نے بنائی پچھلے 70سالوں میں نہیں بنائی گئی، شہباز شریف نے عمران خان کو جھوٹوں کا آئی جی قرار دیتے ہوئے کہا کہ وہ جوجھوٹوں کے آئی جی ہیں۔انہوں نے الیکشن میں کہاکہ کے پی میں بجلی بنائیں گے اور پورے پاکستان کودیں گے۔آج کہتے ہیں صرف 74میگاواٹ بجلی بنائی۔خان صاحب وہ بجلی کہاں ہے؟پہاڑوں میں ہے آسمانوں میں ہے؟ خان صاحب جتنا جھوٹ بولناتھا بول اب گھرچلیں جائیں۔سیاست آپ کے بس کی بات نہیں۔پکیاں سڑکا ں تے سوکھے پینڈے،85ارب روپے کی سڑکیں بنائی ہیں۔اسی طرح موبائل ہسپتال بنادیاہے۔جوقصبوں اور دیہاتوں میں جائے گاوہاں علاج کرے گا۔خان صاحب نے کہاکہ میٹروبس بنائیں گے لیکن ڈینگی آیاتوپہاڑوں پرچڑھ گئے۔لیکن ہم نے ڈینگی کامقابلہ کیااور آج ہمارے پاس علاج بھی ہے اور ڈاکٹرزبھی ہیں۔پشاور میں ڈینگی آیاتوہم وہاں میں بھی گئے ۔عمران خان نے میٹروبس کے نام پرپشاور کواکھاڑدیاان سے میٹرونہیں بننی ۔اگلے الیکشن میں ہمیں ووٹ دوگے ہم بناکردیں گے۔انہوں نے مزید کہاکہ

جناب زرداری صاحب! کہتے ہیں لوٹی ہوئی دولت واپس لاکردوں گا،میں ان کومشورہ دیتاہوں کہ جب 2018 ء میں ہماری حکومت آئے گی توہم واپس لیکرآئیں گے۔کراچی کابیڑہ غرق کردیاہے۔کوڑااور گندگی نظرآتی ہے۔مہران ،سندھ کی وادیوں اور کراچی اور بلوچستان کے لوگوں کوکہتا ہوں کہ ہم لاہورکی طرح تمام شہروں کوبنادیں گے۔اس موقع پر وزیراعلیٰ پنجاب شہباز شریف نے سپیڈو بس،

زرعی یونیورسٹی اور میڈیکل کالج بنانے کا اعلان کرتے ہوئے کہا کہ اگر اللہ نے دوبارہ موقع دیا تو تمام وعدے پورے کرینگے۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…