اسلام آباد(مانیٹرنگ ڈیسک)عابد باکسر کے شہباز شریف بارے انکشافات، دبئی میں گرفتاری کے بعد عمران خان نے عدالت جانے کا اعلان کر دیا۔ تفصیلات کے مطابق عابد باکسر کے حوالے سے تحریک انصاف کے چیئرمین عمران خان نے عدالت جانے کا اعلان کر دیا ہے۔ میڈیا سے گفتگو کرتے ہوئے عمران خان کا کہنا تھا کہ نواز شریف ایک مافیا ہیں اور عوام ان سے تنگ آچکے ہیں عابد باکسر کے انکشافات غیر معمولی ہیں جن کی تحقیقات

ضروری ہیں اور اس حوالے سے عدالت بھی جائیں گے۔ واضح رہے کہ عابد باکسر کو انٹرپول نے گزشتہ روز دبئی میں گرفتار کر لیا ہے ۔ عابد باکسر نے گزشتہ سال اگست کے مہینے میں نجی ٹی وی اے آر وائی نیوز کے پروگرام’’کھرا سچ‘‘میں اینکر مبشر لقمان کو انٹرویودیتے ہوئے انکشاف کیا تھا کہ اس نے شہباز شریف کے کہنے پر کئی جعلی پولیس مقابلوں میں بندوں کو مارا ہے جبکہ طاہر القادری کو مارنے کیلئے بھی پلاننگ کی گئی تھی۔

موضوعات:شہباز شریف عابد باکسر عمران خان