اسلام آباد(مانیٹرنگ ڈیسک)فاروق ستار لیڈر شپ کے اہل نہیں، اصل چہرہ گزشتہ رات سامنے آگیا، ایم کیو ایم اور اس کے بانی کا کردار مشکوک ہے ،سب کے سامنے آچکا، فاروق ستار جس ایم کیو ایم کی بات کرتے ہیں وہ کب کی ختم ہو چکی، ان کا کردار بارہویں کھلاڑی جیسا ہے جو صرف فیلڈنگ تک محدود ہوتا ہے،کل ایک دوسرے کے گریبان میں ہاتھ ڈالا گیا، جس کو ٹکٹ نہیں ملا وہ پی ایس پی میں آجائے،

رضا ہارون نے ایم کیو ایم پاکستان میں دھڑے بندی کے بعد ایم کیو ایم کے رہنمائوں کو بڑی پیش کش کر دی۔ تفصیلات کے مطابق پی ایس پی کے رہنما رضا ہارون نے گزشتہ روز ایم کیو ایم پاکستان کے دھڑے سامنے آنے کے بعد آج بیان دیتے ہوئے کہا کہ فاروق ستار لیڈر شپ کے اہل نہیں رہے ان کا اصل چہرہ گزشتہ رات سامنے ااگیا ہےدوسری جانب ایم کیو ایم اور اس کے بانی کا کردار مشکوک ہے جو سب کے سامنے آچکا ہے۔ فاروق ستار اورعامر خان کے درمیان ٹکٹس کی تقسیم پر لڑائی ہوئی اور کل ایک دوسرے کے گریبان میں ہاتھ ڈالا گیا ۔ انہوں نے فاروق ستار کو شدید تنقید کا نشانہ بناتے ہوئے کہا کہ فاروق ستار جس ایم کیو ایم کی بات کر رہے ہیں وہ کب کی ختم ہو چکی۔ وہ لیڈر شپ کے اہل نہیں رہے ان کا کردار بارہویں کھلاڑی جیسا ہے جو صرف فیلڈنگ تک محدود ہوتا ہے۔انہوں نے ایم کیو ایم کے رہنمائوں کو پیش کش کرتے ہوئے کہا کہ جن کو ٹکٹ نہیں ملے وہ پی ایس پی میں آجائیں ان کو خوش آمدید کہا جائے گا۔واضح رہے کہ گزشتہ روز ایم کیو ایم پاکستان میں واضح دھڑے بندی سامنے آئی جس میں ایم کیو ایم پاکستان کے سربراہ فاروق ستار اور عامر خان کے درمیان سینٹ ٹکٹس پر شدید اختلافات دیکھنے میں آئے، اطلاعات کےمطابق عامر خان نے فاروق ستار کو بحث کے دوران تھپڑ بھی جڑ دیا تھا جس کے بعد عامر خان کی قیادت میں دھڑے کا کراچی بہادر آباد میں

اجلاس منعقد ہوا جب کہ فاروق ستار کی قیادت میں دھڑے کا اجلاس بی آئی بی کالونی میں ہوا جس میں ایک دوسرے پر شدید الزامات اور تنقید کی گئی جبکہ دونوں اطراف کے کارکنوں نے ایک دوسرے کے خلاف نعرے بازی بھی کی۔ بہادر آباد میں ہونے والے اجلاس میں سندھ اسمبلی میں ایم کیو ایم کے اپوزیشن لیڈر خواجہ اظہار کی موجودگی نے عامر خان کی پوزیشن کو مضبوط بنا دیا ہے۔

موضوعات:ایم کیو ایم پاکستان پی ایس پی رضا ہارون عامر خان فاروق ستار