اسلام آباد(مانیٹرنگ ڈیسک)ن لیگ کے رہنما پرویز رشید نے چوہدری نثار پر ایک اور وار کرتے ہوئے کہا ہے کہ چوہدری نثار نے ایک الیکشن شیر کے نشان کے بغیر لڑا تھا اور ہار گئے تھے ، انہوں نے اپنا بیان ہی یہاں سے شروع کیا تھا کہ وہ بیان نہیں دینا چاہتے اس سے ان کی منافقت کا اندازہ لگایا جا سکتا ہے۔

واضح رہے کہ گزشتہ روز پرویز رشید نے چوہدری نثار کے بیانات پر سخت ردعمل دیتے ہوئے ان کو پارٹی سے نکالنے کا مطالبہ کیا تھا جس کے جواب میں چوہدری نثار نے پرویز رشید کے بیا ن پر اپنے ردعمل میں کہا تھا کہ جس شخص کا پارٹی سے تعلق واجبی سا ہے اس کے بیان کا جواب نہیں دینا چاہتا۔

موضوعات:پرویز رشید چوہدری نثار