اسلام آباد(مانیٹرنگ ڈیسک)عمران خان کی بشریٰ بیگم سے مبینہ تیسری شادی، کپتان کی بہنوں کے ساتھ بیٹوں کی جانب سے بھی سخت ردعمل ، پارٹی کے اندر سے بھی سخت ردعمل، خاندان اور پارٹی کے اندر سے ردعمل نے پریشان کردیا، نجی ٹی وی جاگ نیوز کی رپورٹ میں

انکشاف۔ تفصیلات کے مطابق نجی ٹی وی جاگ نیوز کی رپورٹ میں انکشاف کیا گیا ہے کہ عمران خان کی بشریٰ بیگم سے مبینہ تیسری شادی پر کپتان کی تینوں بہنوں کے ساتھ ساتھ ان کے بیٹوں کی جانب سے بھی سخت ردعمل نے انہیں پریشان کر دیا ہے۔ عمران خان پر نہ صرف سیاسی مخالفین طنز اور تنقید کے نشتر برسا رہے ہیں بلکہ خاندان اور بیٹوں کے بعد پارٹی کے اندر سے بھی سخت تنقید کی جا رہی ہے۔ رپورٹ میں انکشاف کیا گیا ہے کہ عمران خان کی بشریٰ بیگم سے مبینہ تیسری شادی سے متعلق صرف 8افراد جانتے تھے ۔ تحریک انصاف کے دو رہنمائوں کی جانب سے عمران خان کے سامنے شک کا اظہار کرتے ہوئے ان رہنمائوں کا کہنا تھا کہ یا تو شادی کی خبر لیک کرنے میں ان 8افرادکا ہاتھ ہے یا پھر خود بشریٰ بیگم نے یہ خبر لیک کی ہے۔ رپورٹ میں بتایا گیا ہے کہ عمران خان نے اپنی مبینہ شادی کی خبر لیک ہونے کا ذمہ دار آئی بی کے سربراہ کو ٹھہرایا ہے جبکہ اس خبر کو چھپانے کیلئے انہوں نے بہت احتیاط سے کام لیا تھا۔ واضح رہے کہ عمران خان اور ان کی پارٹی نے خبر لیک ہونے پر جاری بیان میں کہا تھا کہ ابھی شادی نہیں ہوئی بلکہ شادی کا پیغام بشریٰ بیگم کو بھجوایا گیا ہے۔

موضوعات:عمران خان بہنیں عمران خان بیٹے عمران خان تیسری شادی