سابق شوہر سے علیحدگی اور کپتان سے شادی کے حوالے سے کوئی خواب نہیں دیکھا، اتنی ہی پیرنی ہوتی تو اپنا ٹوٹتا گھر نہ بچا لیتی، بشریٰ بی بی بھی منظر عام پر آگئیں، ایسا بیان دیدیا کہ عمران خان سمیت سب ہکا بکا رہ گئے

  جمعرات‬‮ 11 جنوری‬‮ 2018  |  14:00

اسلام آباد (مانیٹرنگ ڈیسک ) عمران خان کی تیسری شادی زینب قتل معاملے میں دب کر رہ گئی ہے جو کہ گزشتہ ہفتے میڈیا کی زینت بنی ہوئی تھی ۔ تحریک انصاف کے چیئرمین عمران خان کی اپنی روحانی پیشوا بشریٰ بی بی کے ساتھ تیسری شادی کی خبروں نے جہاں سیاسی حلقوں کوششدر کر کے رکھ دیا تھا وہاں سیاسی مخالفین نے کپتان پر خوب دل کی بھڑاس نکالی۔ تنقید کے بعد عمران خان اچانک ٹویٹر پر نمودار ہوئے اور شادی کی خبروں کی تردید کر دی اور اب خبر یہ ہے کہ بشریٰ بی بی سامنے آچکی ہیں

اور انہوں نے بھی نجی ٹی وی چینل سے گفتگو کی ہے۔ ان کا کہنا تھا کہ ہم صوفی ازم پر چلنے والے لوگ ہیں ۔ بشریٰ بی بی نے ان خبروں کی تردید کرتے ہوئے کہا کہ میں نے اپنے شوہر سے علیحدگی کے حوالے سے کوئی خواب نہیں دیکھا۔ ان کا کہنا تھا کہ اتنی ہی خواب میں بشارتیں دیکھنے والی ہوتی تو کیا اپنا گھر نہ بچا لیتی؟ بشریٰ بی بی نے کہا کہ وہ بزرگوں کا احترام اور ان کی بات ماننے والی خاتون ہیں ۔ واضح رہے کہ جیسے ہی عمران خان کی بشریٰ بی بی سے شادی کی خبریں منظر عام پر آئیں تو میڈیا رپورٹس میں یہ بات کہی گئی کہ بشریٰ بی بی نے اپنے شوہر سے علیحدگی اور عمران خان سے شادی سے متعلق خواب میں بشارت حاصل کی تھی اسی لئے انہوں نے اپنے شوہر سے علیحدگی لی اور عمران خان سے مبینہ طور پر خفیہ شادی کر لی ہے تاہم اب بشریٰ بی بی نے ان تمام خبروں کی تردید کر دی ہے۔

موضوعات: